Te fundit
Agim Spahiu: Pranë njëri-tjetrit, mbi krevatin e vjetër...
9 Gusht 2025, 16:44Kulturë
TEMA
S’kishim asgjë të na falte gaz e prehje
atë natë të errët martesore
dhe nuk e di ç’mund të mbanim mend
të mos ish ardhja e një xixëllonje…
Pranë njëri-tjetrit, mbi krevatin e vjetër dhe larg,
(Sa larg!)
Përballë nesh jona ish edhe një arkëz e vogël
me copëza fashete për mentesha.
E gjora! Sikur vinte nga lufta!
Në luftë të re hynte-prapavijë besnike –
ku ruhej buka.
As fjalë s’kishim. Jona ish edhe heshtja:
një heshtje e gjatë dhe e egër na errte e na errte.
Dhe zor ta hiqnim qafe asaj nate
të mos vinte xixëllonja,
që digjej e digjej për ne të dy,
në buzët e tua, në sytë e mi.
Ishim kaq të lodhur, kaq të shqetësuar…
E s’e trazuam.
E s’u gëzuam.
S’kishim asgjë të na falte gaz e prehje
atë natë të errët martesore.
Dhe nuk e di ç’mund të mbanim mend
të mos ish ardhja e asaj xixëllonje…
——————————————
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Me duket se qenka gabel ( arixhi) ky dhe qenka martuar kur dilnin shëtitje ne ditet e lejes se zakonshme se atehere kishin vetem nje çadër per te fjetur.
Agimi ishte poet e njeri, pata fatin ta njofe qe kur ishte ne gjimnaz e ne Instutin pedogogjik ne Shkoder respekt, qofte I perjetshem kujtimi I ti, Unda nga jeta shume I ri