Akademiku Nazim Gruda zgjidhet kryetar në Shoqatën Ndërkombëtare të Hortikulturës

Akademiku Nazim Gruda u zgjidh kryetar i Seksionit për Prodhimin në Serra dhe Mjedise të Kontrolluara të Shoqatës Ndërkombëtare të Shkencave të Hortikulturës

Kjo arritje e rëndësishme ndërkombëtare i shtohet veprimtarisë shkencore të akademikut shqiptar, Nazim Gruda. Zgjedhja në këtë detyrë përfaqëson një vlerësim të lartë për kontributin e vazhdueshëm dhe të spikatur të akademikut Gruda në fushën e hortikulturës moderne, veçanërisht në prodhimin në serra, menaxhimin e mjediseve të kontrolluara dhe zhvillimin e sistemeve të qëndrueshme të kultivimit.

Veprimtaria e tij shkencore, e shtrirë ndër vite në nivel kombëtar dhe ndërkombëtar, ka ndikuar ndjeshëm në avancimin e praktikave bashkëkohore në këtë sektor.

Shoqata Ndërkombëtare e Shkencave të Hortikulturës (ISHS), me seli në Bruksel, Belgjikë, organizoi së fundmi procesin zgjedhor për drejtuesit e seksioneve të saj shkencore, me pjesëmarrjen e gjerë të anëtarëve nga vende të ndryshme të botës.

Konfirmimi zyrtar i drejtuesve të rinj pritet të bëhet në Kongresin Ndërkombëtar të Hortikulturës, në Kioto të Japonisë. Në këtë aktivitet prestigjioz, akad. Gruda është ftuar gjithashtu si ligjërues kryesor në një nga simpoziumet shkencore, çka përbën një tjetër tregues të vlerësimit të lartë ndërkombëtar për veprimtarinë e tij.

Marrja e këtij roli drejtues krijon mundësi të reja për forcimin e bashkëpunimit shkencor ndërkombëtar dhe për promovimin e praktikave të avancuara dhe të qëndrueshme në një nga sektorët më dinamikë të bujqësisë moderne. A.K./TemA

Firmoset memorandumi mes Ministrisë së Kulturës dhe Fondacionit Shqiptaro-Amerikan për zhvillim në kuadër të nominimeve për trashëgiminë në UNESCO

13:19 Kulturë

Oguret e një debati

10:40 Kulturë

Anbeta Toromani kthehet si Carmen në skenën e TKOB

09:18 Kulturë

Origjina e shqiptarëve: çfarë zbulon studimi me 6.000 gjenome?

20:20 Kulturë 9 komente

Zhvillohet Konkursi Mbarëkombëtar i Piktorëve të Vegjël, marrin pjesë fëmijë nga të gjithë trevat

19:34 Kulturë

Muaji Maj, muaj i ngjeshur me aktivitete në TKOB

17:32 Kulturë

Pranë qendrës "Sotir Kolea" hapet ekspozita e Muzeut të Themeluesve

15:31 Kulturë

PIKTURA E DITËS : "Ngjyrat e Amblës", në ekspozitën me të njëjtën titull

14:35 Kulturë

Tirana do të gjallërohet nga evente kulturore këtë javë

13:29 Kulturë

AQSHF: Në këtë 5 Maj, Ditën e Dëshmorëve, përkulemi me nderim para kujtimit të atyre që dhanë jetën për lirinë e atdheut

13:25 Kulturë