Elbasan/ Xhamia Mbret drejt restaurimit

Kryetari i bashkisë së Elbasanit, Gledian Llatja ka inspektuar ecurinë e punimeve për rikonstruksionin e Xhamisë Mbret, e vendosur në lagjen historike “Kala”, një nga monumentet më të rëndësishme të trashëgimisë kulturore dhe fetare të qytetit të Elbasanit.

Gjatë inspektimit, kryebashkiaku Llatja u shoqërua nga myftiu i Elbasanit, Agim Duka, si dhe përfaqësues të Agjencisë Turke për Bashkëpunim dhe Koordinim (TIKA).

Llatja vlerësoi punimet e realizuara deri në këtë fazë, duke theksuar rëndësinë e bashkëpunimit ndërinstitucional dhe komunitar në ruajtjen dhe promovimin e trashëgimisë kulturore dhe objekteve të kultit.

Rikonstruksioni i Xhamisë Mbret është bërë i mundur falë kontributit të besimtarëve myslimanë, mbështetjes së Ambasadës turke dhe bashkëpunimit me institucionet përkatëse, me synimin për të ruajtur dhe restauruar këtë objekt me vlera të veçanta historike dhe arkitekturore.

Punimet po shkojnë drejt përfundimit dhe shumë shpejt xhamia pritet të hapë sërish dyert për besimtarët dhe vizitorët.

Xhamia Mbret, e ndërtuar rreth 533 vite më parë, përfaqëson një nga simbolet më të hershme të identitetit historik dhe fetar të Elbasanit. Restaurimi i saj synon jo vetëm ruajtjen e vlerave historike, por edhe përmirësimin e kushteve për ushtrimin e riteve fetare dhe zhvillimin e turizmit kulturor.

Ky projekt është pjesë e angazhimit të bashkisë Elbasan për t’i kushtuar vëmendjen e merituar objekteve të kultit dhe trashëgimisë kulturore, paralelisht me procesin e rivitalizimit të lagjes “Kala”, një hapësirë historike me potencial të lartë për turizmin kulturor.

Kryebashkiaku Llatja shpreh mirënjohjen për besimtarët, Ambasadën turke, TIKA-n dhe të gjitha institucionet e organizatat që kanë kontribuar në rikonstruksionin e këtij Monumenti Kulture të Kategorisë së Parë, duke riafirmuar angazhimin e saj për mbrojtjen dhe promovimin e trashëgimisë historike të qytetit.

Xhamia Mbret është një nga objektet e kultit të fesë myslimane më të hershme të Shqipërisë dhe që ruhet në formën e saj të ndërtimit dhe ndodhet brenda kalasë së Elbasanit në distancë më të afërt me portën kryesore të hyrjes në kala, në qendër të qytetit. Kjo xhami është ndërtuar rreth vitit 1492 nga sulltan Bajaziti. A.K./TemA

Parisi në dorën tuaj: Kub France Shkodra sjell një udhëtim virtual në kryeqytetin e Francës

12:45 Kulturë

Edi Rama vë në dukje transformimin e AQSHF

10:50 Kulturë 2 komente

Ura e Niçës shpëton prej shembjes nga restaurimi (VIDEO)

10:45 Kulturë

Mjeshtri i endjes Xhevahir Kolgjini flet për artin e vet

08:37 Kulturë

Koleksioni privat ORNI i Fatlum Halitit dhe rëndësia e trashëgimisë kulturore e artit pamor të Kosovës

19:38 Kulturë

Shuhet në moshën 93-vjeçare stilisti italian Valentino Garavani

18:32 Kulturë

Proverbi dhe autoriteti

17:27 Kulturë

Hartat e Muzeut të Krujës: Rama i bën jehonë lajmit

15:40 Kulturë

Opera & Ballet Night vihet në skenën e TKOB

15:26 Kulturë

Ekspozita "Olbania" vazhdon të jetë e hapur te Marubi në Shkodër

13:24 Kulturë