“Fatkeqësitë natyrore dhe konfliktet”, ndërgjegjësim në Ditën Ndërkombëtare të Monumenteve

“Fatkeqësitë natyrore dhe konfliktet” është tema e këtij viti, e cila vjen si një thirrje në Ditën Ndërkombëtare të Monumenteve.

Përgjegjësi i sektorit të parqeve arkeologjike Shkodër-Lezhë, Helidon Sokoli, tregon rëndësinë e ruajtjes së monumenteve.

“Xhamia e Plumbit, bashkë me rrënojat e Kishës së Shën Sergjit dhe Bakut, janë ndër monumentet që mund të lidhen specifikisht me tematikën e kësaj dite, pasi për vetë pozicionin e tyre kanë pasur herë pas here problematika me përmbytjet,” shpjegon z. Sokoli.

Shkodra prej vitesh është e prekur nga fenomenet natyrore, ku kanë dëmtuar edhe monumentet, siç janë Xhamia e Plumbit apo kisha në Shirq.

“Parku Arkeologjik Shkodër prej dy vjetësh rezulton të jetë parku i dytë më i vizituar në vendin tonë, jo vetë për shkak të rritjes së numrit të vizitorëve dhe turistëve në qytetin tonë, si dhe promovimit të mirë, por edhe prej gjendjes optimale të sitit,” shton përgjegjësi i sektorit të parqeve arkeologjike në Shkodër-Lezhë.

Parku arkeologjik në Shkodër është i dyti në vendin tonë për nga numri i vizitave.

“Prilli synon që të ndërgjegjësojë dhe të rrisë kapacitetet dhe burimet njerëzore të institucioneve për të parandaluar sa më tepër dëmtimin e mëtejshëm të këtyre pasurive kundrejt fatkeqësive dhe forcave madhore të natyrës. Kjo është një ftesë që bëhet jo vetëm për mbrojtjen e tyre, por edhe për promovimin dhe vizitueshmërinë e këtyre siteve,” thotë z. Sokoli.

18 Prilli është shpallur dita ndërkombëtare e monumeneteve dhe siteve arkeologjike nga viti 1982, me qëllim ndërgjegjësimin për ruajtjen dhe promovimin e monumenteve. Në kuadër të kësaj dite të gjithë muzetë janë të hapur dhe hyrja është e lirë për vizitorët.

/RTSH/

Mbi psikologjinë e artit të Edi Ramës

17:26 Kulturë 4 komente

E PREMTJA E ZEZË/ Besimtarët katolikë kremtojnë Udhën e Kryqit, ortodoksët procesionin e Epitafit!

17:19 Kulturë

Piktorët e Alpeve shqiptare, në ekspozitën e GKA-së në Shkodër

17:09 Kulturë

“Perëndia i madhërishëm Pan”, botohet në shqip kryevepra klasike e misterit dhe horrorit

16:56 Kulturë

Film dokumentar në Gjirokastër, vështrim mbi të shkuarën

16:45 Kulturë

Antropologu britanik pretendon se varri i Jezusit dhe Arka e Besëlidhjes qëndrojnë të fshehura nën Piramidën e Madhe të Gizës

15:35 Kulturë

Pashkët, Kreu i Kishës Katolike uron besimtarët: Kemi nevojë për njerëz që nuk mbyllen tek interesi i momentit

14:44 Kulturë

Muzhaqi: Me Nismat Komunitare dhe Talentet Rinore, mbështesim qindra të rinj në projekte zhvillimi dhe përfaqësim të Shqipërisë në kompeticione ndërkombëtare

14:24 Kulturë

FOTO/ Rama: Kinemaja e re në Maliq, hapësirë arti dhe qendër komunitare moderne

14:07 Kulturë 1 koment

Stacioni antik AD-Quintium, Elbasan, siti arkeologjik evokon histori dhe trashëgimi

13:34 Kulturë