Te fundit
“Hyrja e Shën Marisë në Tempull”, ndër thesaret e Muzeut Kombëtar të Artit Mesjetar
21 Korrik 2025, 16:19Kulturë
TEMA
Muzeu i Artit Mesjetar në vazhdën e publikimeve të objekteve të fondit të tij të pasur, ka publikuar një tjetër thesar ikonografik, ikonën “Hyrja e Shën Marisë në Tempull”.
Kjo ikonë e mesit të shekullit XVII-të, me origjinë nga Kisha e Shën Marisë, Vllahernë e Beratit, paraqet skenën e hyrjes të Hyjlindëses në tempull. Në skenën kryesore vemë re Shën Marinë në moshën 3-vjeçare të ngjisë shkallët e tempullit të Solomonit. Ajo shoqërohet nga dy prindërit e saj Joakimi dhe Ana gjithashtu pas tyre qëndrojnë 10 virgjëresha.
Tek tempulli e pret Profeti Zaharia i cili përdor fjalët “Ti je e përzgjedhura ndër të gjithë brezat”. Shën Maria qëndroi në tempull deri në moshën 14 vjeçare dhe më pas vjen “Ungjillëzimi i saj” të cilin e shohim në skenën e sipërme të ikonës, shkruan atsh.
Kisha ku është gjetur ikona, gjendet brenda mureve rrethuese të Kalasë së Beratit dhe është nga ndërtimet e kultit më të vjetra mesjetare në Berat. Në brendësi të kishës gjendet një dysheme e zbukuruar me një rozetë dekorative, ndërsa muret e brendshme sipas mbishkrimit, janë zbukuruar me pikturë murale, të realizuar nga Nikolla, biri i Onufrit, në vitin 1578. Në dritaren e absidës dhe në murin verior të kishës shohim të ripërdorura elemente arkitektonike paleokristiane.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Baba Rrahimondi (me string): qafirat e mi sunite a shiite shqipfoles m'Albaniston, nuk kane vlere keto oikona Shen Marie etj m'berot. M'tomorr do te shkoi m'gju shurra e gjaku i kecave e cjepeve per bektosh state..... gezuar Novruzin