Te fundit
Misioni shqiptaro-polak nxjerr në dritë gjurmë të reja për qytetin ilir në Bushat
7 Qershor 2024, 18:41Kulturë
TEMA
Janë dashur 4 javë gërmime për të nxjerrë në dritë gjurmë të reja dhe të dhëna për qytetin ilir në Bushat të Shkodrës.
Gërmimet u drejtuan nga prof. as. Saimir Shpuza i Institutit të Arkeologjisë në Tiranë dhe Prof. Piotr Dyczek nga Universiteti i Varshavës në Poloni, në bashkëpunim me arkeologun e DRTK Shkodër, Helidon Sokoli.
Pas fushatave të mëparshme ku u zbuluan dy porta hyrëse të qytetit dhe u lejua të kuptohej shtrirja e tij, gërmimet e këtij viti janë përqendruar në qytetin e sipërm dhe kanë për qëllim zbulimin e organizimit të brendshëm të urbanistikës së këtij qyteti.
Misioni kërkimor po nxjerr në dritë se kjo pjesë e qytetit të sipërm ka qenë e ndërtuar masivisht që në gjysmën e shek 4 p.k., sipas datimeve paraprake.
Aktiviteti në terren, ka për qëllim zbulimin e plotë të planimetrisë së këtyre ndërtimeve dhe më pas të arrijë të identifikojë rolin që ato kanë patur.
Kërkimet shqiptaro-polake në Bushat janë parashikuar të vazhdojnë për disa vite në përpjekje për të zbuluar sa më shumë nga forma dhe historia e këtij qyteti. Tashmë falë bashkëpunimit mes Misionit Arkeologjik dhe DRTK Shkodër, po hartohet dosja teknike për shpalljen “Zonë e mbrojtur arkeologjike” A dhe B, duke plotësuar kështu hartën arkeologjike të arealit të Shkodrës edhe me një qytet antik dhe sit arkeologjik të vizitueshëm në të ardhmen.
Misioni Shqiptaro-Polak i cili që nga viti 2011 hulumton në gjurmët e Shkodrës antike, ndër vite ka nxjerrë në dritë zbulime dhe artefakte të rëndësishme mbi shtrirjen e qytetit, urbanizimin e sistemin mbrojtës të qytetit në pjesën e ulët të tij. atsh/A.K./TemA
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
SHQIPERIA KA POTHUAJ NE TE GJITHA QYTETET SHQIPTARE ZBULIME ARKEOLOGJIKE TE EPOKES SE LASHTESISE - NDERKOHE QE GERRQIA KA VETEM ATE NE ATHINE MADJE EDHE ATO QE KA GRUMBULLUAR NE MUZEUN ANTIKITETIT - JANE VJEDHUR NGA SHQIPERIA BUTRINTI APOLLONIA DURRCHUM ORIKUMI SARANDA - NE EPOKEN E ERRET TE HISTORISE SE SHQIPERISE ! - MOS PERMBENDI TERMIN GREKK NE ASNJI VENDZBULIMI TE MONUMENTEVE TE LASHTESISE NE SHQIPERI SEPSE JENI TE MALLKUAR NGA ZOTI !
bravo! tani shko te baba mondi se po te pret sunit