Misteret e vendbanimit më të vjetër liqenor në Evropë

Një zbulim arkeologjik në brigjet e Liqenit të Ohrit, në fshatin Lin të Shqipërisë, po cilësohet si i jashtëzakonshëm. Arkeologët besojnë se kanë zbuluar vendbanimin më të vjetër të ndërtuar ndonjëherë në një liqen në Evropë, me origjinë që daton deri në 8,000 vjet më parë.

Sipas Reuters, ekipet e kërkimit nga Zvicra dhe Shqipëria po zbulojnë çdo ditë dëshmi të një komuniteti të organizuar që ka jetuar në këtë zonë në epokën e gurit, duke kombinuar aktivitetet e gjuetisë me ato të bujqësisë.

Arkeologët punojnë rreth tre metra nën sipërfaqen e ujit për të rikuperuar me kujdes shtyllat prej druri që dikur mbështesnin shtëpitë mbi liqen. Në të njëjtën kohë, po mblidhen objekte qeramike të gdhendura, eshtra kafshësh dhe vegla prej bakri – dëshmi të një jete të zhvilluar dhe të organizuar, transmeton euronews.

Albert Hafner, profesor në Universitetin e Bernës, thotë se “vendbanime të ngjashme janë gjetur në rajonet alpine dhe mesdhetare, por vendbanimet në fshatin Lin janë gjysmë mijëvjeçar më të vjetra, duke datuar 6,000 dhe 8,000 vjet më parë”.

“Meqenëse është nën ujë, materiali organik është i ruajtur mirë dhe kjo na lejon të zbulojmë se çfarë kanë ngrënë këta njerëz, çfarë kanë mbjellë,” – tha Hafner për Reuters.

Studime të shumta konfirmojnë se Liqeni i Ohrit, që ndahet mes Shqipërisë dhe Maqedonisë së Veriut, është liqeni më i vjetër në Evropë, me një histori prej mbi një milion vitesh.

Datimi i vendbanimit është bërë përmes analizës me radiokarbon dhe dendrokronologjisë, duke studiuar mbi një mijë mostra druri të mbledhura në këtë zonë. Sipas arkeologëve, vendbanimi mund të ketë strehuar disa qindra banorë në një hapësirë prej gjashtë hektarësh, megjithëse deri tani është gërmuar vetëm 1% e territorit, pas gjashtë vitesh pune.

Hafner thekson se këta banorë të hershëm mund të kenë luajtur një rol kyç në përhapjen e bujqësisë dhe blegtorisë në pjesë të tjera të Evropës.

Ndërkohë, arkeologu shqiptar Adrian Anastasi nënvizon rëndësinë dhe kompleksitetin e vendbanimit:

“Nga mënyra se si kishin jetuar, ngrënë, gjuajtur, peshkuar dhe nga mënyra se si arkitektura ishte përdorur për të ndërtuar vendbanimin e tyre, mund të themi se ishin shumë të zgjuar për atë kohë.” -tha Anastasi.

Zbulimi në Lin mund të ndryshojë tërësisht mënyrën se si kuptohet jeta e lashtë në Ballkan dhe në kontinentin evropian në përgjithësi.

Shqipëria, bashkëprodhuese në filmin e ri të Milcho Manchevski-t

14:12 Kulturë

Poezia e Arian Lekës, në ekspozitën ndërkombëtare “Poetika Detare” në Kinë! Përzgjedhja me 19 autorë ndërkombëtarë

14:02 Kulturë

QKK, thirrje artistëve të rinj të dorëzojnë projektet për Forumin Agora Pitching

13:55 Kulturë

Pandi Raidhi, mjeshtri që ndërtoi mbi 200 karaktere në teatër e kinematografi

12:34 Kulturë 1 koment

“Si ta doni”, vepra e Shekspirit në Teatrin Kombëtar

11:54 Kulturë

Indro Montaneli për Shqipërinë

11:23 Kulturë

“Zanafilla”, emra të njohur të baletit botëror në Tiranë! Ciacciulli: Shkolla shqiptare, trashëgimi e rëndësishme

10:59 Kulturë

Netflix përdor efektet e inteligjencës artificiale për herë të parë për të ulur kostot

10:25 Kulturë

Rabdishti, në garë për “Fshatrat më të mirë turistikë në botë”

10:09 Kulturë

Muzeu Historik Kombëtar, bisedë historike mbi misionet fetare në trojet shqiptare (FOTO)

09:53 Kulturë