Nderohet Ali Kondi në 100 vjetorin e lindjes, “Njeriu këngë, njeriu valle” sjell trashëgiminë e folklorit devollit

Studiuesi dhe mbledhësi i folklorit Ali Kondi, këngëtar dhe valltar i njohur në krahinën e Devollit u nderua këtë fundjavë më 100-vjetorin e lindjes me publikimin e një libri monografik mbi jetën dhe krijimtarinë e tij.

Tubimi u mbajt në shtëpinë muze të shkrimtarit të njohur Dritëro Agolli, ku edhe u shfletuan kopjet e para të librit “Njeriu këngë, njeriu valle”, një përmbledhje e krijimtarisë së Ali Kondit, bashkë me këngët, vallet, kujtimet dhe fotografitë e tij.

“Ali Kondi është shpallur ‘Artist i Merituar’ i kahershëm sepse spikati jo vetëm si një interpretues i folklorit, por kontributi i tij u shpalos si koreograf, organizator i kulturës, qoftë në vatrat lokale të kulturës, por edhe në pjesëmarrjet e shumta që ai pat në festivalet folklorike”

Në repertorin e Ali Kondit afro gjysmë shekulli, ka më shumë se 1 mijë këngë e valle, mbi 500 janë të inçizuara në Institutin e Kulturës Popullore.

Aliu ishte bartës dhe transmetues i stafete të rrallë kulturore prej tetë breza këngëtarësh e valltarësh në fisin Kondi, provë e gjallë se folklori këndohet, kërcehet dhe trashëgohet.

Në qendër të kësaj trashëgimie qëndron vallja devolliçe, plot figura që bartin krenari dhe disiplinë, rite dhe përmbajtje. Në 100-vjetorin e lindjes së këtij mjeshtri të folklorit devollit, libri për të është një ftesë publike për të ruajtur trashëgiminë artistike të brezave që fëmijët të mësojnë vallet e të parëve, të respektojnë këngën si besim, gëzim dhe jetë. - RTSH-

“Marija që përloti Papa Franceskun” – Libër i Fran Kullit për murgeshën që i mbijetoi diktaturës

11:13 Kulturë

Elbasan: Shfaqja “O sa mirë me qen shqiptar” ngjitet në skenën e Teatrit “Skampa”

10:16 Kulturë

Instrumentistët nga Kosova koncert në kalanë e Gjirokastrës: Do të rikthehemi

09:15 Kulturë

Xhamia e Plumbit në Shkodër qëndron e paprekur pas reshjeve intensive falë restaurimit dhe digës mbrojtëse, Rama: Një ndërhyrje e mbarë!

08:19 Kulturë

Rikthim pas 85 vitesh, mbyllet festivali ndërkombëtar i Bandave “LuloFest”

08:13 Kulturë

Franz Kafka, shpirti i brishtë që u fsheh pas heshtjes, profeti i modernitetit

22:18 Kulturë 1 koment

10 romanet më të vlerësuara të të gjitha kohrave!

21:14 Kulturë

LIBRI I DITËS: "Luftërat ballkanike 1912-1913"- Schurman shpjegon antagonizmat mes këtyre kombeve ballkanike

20:14 Kulturë

PIKTURA E DITËS: "Vajzat e lindjes së diellit"- Gruaja shqiptare në artin e Dafinë Vitijës

19:13 Kulturë

Programi “BE për Kulturën” zbulon një sekret të ri nën Kalanë e Bashtovës

18:12 Kulturë