Te fundit
Qendra historike e Dhërmiut shpallet pasuri kulturore!
27 Qershor 2026, 08:33Kulturë
TEMA
Këshilli i Ministrave miratoi dje vendimin për deklarimin pasuri kulturore të paluajtshme të qendrës historike të fshatit Dhërmi.
Sipas vendimit, qendra historike e fshatit Dhërmi shpallet pasuri kulturore e paluajtshme, ndërsa zona e saj mbrojtëse përcaktohet në bazë të hartave të zonifikimit dhe koordinatave në Kornizën Referuese Gjeodezike Shqiptare (KRGJSH), të cilat janë pjesë përbërëse e aktit.
Në vendim thuhet se Këshilli i Ministrave miratoi planin për ruajtjen, mbrojtjen dhe administrimin e qendrës historike dhe zonës përreth, me qëllim garantimin e mbrojtjes së trashëgimisë kulturore dhe zhvillimit të qëndrueshëm të zonës.
Sipas vendimit, ngarkohen Autoriteti Shtetëror për Informacionin Gjeohapësinor për publikimin e hartave në Gjeoportalin Kombëtar, si dhe Agjencia Shtetërore e Kadastrës për regjistrimin e vendimit, në përputhje me legjislacionin në fuqi.
Zbatimi i vendimit u ngarkohet ministrisë së Turizmit, Kulturës dhe Sportit, ministrisë së Infrastrukturës dhe Energjisë dhe bashkisë Himarë.
Ky vendim hyn në fuqi pas botimit në “Fletoren Zyrtare”.
A.K./TemA
Më të lexuarat
24 oret e fundit
Javen e fundit
Blog Tema
Lini një Përgjigje