VIDEO/ Reportazh nga Vendi i Dëshmisë e kujtesës: Ja vendi ku torturoheshin të burgosurit e regjimit!

I vendosur në qendër të Shkodrës, “Vendi i Dëshmisë dhe Kujtesës” është i pari muze kujtese në Shqipëri i ngritur në përkujtim të persekutimit politik gjatë diktaturës komuniste.

Ndërtesa daton në gjysmën e parë të shekullit XIX dhe gjatë viteve ka ndryshuar disa herë funksion. Në vitin 1930 kjo ndërtesë blihet nga Provinca Françeskane dhe në të vendoset Kolegji.

Me ardhjen e komunizmit në pushtet kjo ndërtesë konfiskohet dhe në të zë vend Sigurimi i Shtetit, duke krijuar Degën e Punëve të Brendshme, e cila qendroi në këtë ambiente nga viti 1946 deri në rrëzimin e regjimit komunist.

Që nga shtatori 2014 kjo zonë e ndaluar për qytetin është kthyer në hapësirë muzeale, ku pjesa më kulmore janë qelitë origjinale të paraburgimit.

Në hollin e hyrjes gjendet harta e burgjeve komuniste në qytetin e Shkodrës, në të cilën numërohen 23 të tillë. Kjo hartë shoqërohet dhe me shifrat e përgjithshme të persekutimit komunist për qytetin. Një sektor i rëndësishëm është dhe salla audio vizuale, në të cilën shfaqen video dhe dokumentarë të periudhës së diktaturës komuniste. Me rëndësi është dhe biblioteka, e pasur me letërsi të kohës.

Kalimi për tek zona e qelive bëhet përmes një galerie të ndërtuar rishtazi, e konceptuar si rrugëtimi i të burgosurve drejt vuajtjes dhe dhimbjes.

Salla e ekspozimit ofron një koleksion objektesh të përdorura dhe të punuara në burg, dorëshkrime, libra me tematika të ndryshme dhe letërkëmbime mes të burgosurve dhe familjarëve të tyre.

Ky koleksion është dhuratë e të burgosurve politikë dhe familjeve të tyre. Një interest ë veçantë përbëjnë dhe panelet e xhamit, në të cilët paraqite disa dokumente të kohës, në të cilat përshkruhen fakte dhe prova mbi dhunën dhe torturat kundër ish të burgosurve. Kjo zonë paraprin qelitë e paraburgimit të quajtura nga vetë të burgosurit “biruca” për shkak të hapësirës së ngushtë dhe sasisë së vogël të dritës dhe ajrit që hyn në to.

Hapësira është e ndarë në dy kate, por të burgosurit politikë qendronin në katin e parë. Në fundin e korridorit gjendet dhe dhoma e torturave, në të cilën gjenden dhe disa elemente origjinale të përdorura për torturë fizike dhe psikologjike. A.K./TemA

“Gocat” sjell në Tiranë artistin Naim Spahiu/ “Pas një muri ka mure të tjera" Një manifest publik për gjurmët e kohës

16:13 Kulturë

Kinematografia botërore në zi/ Ndahet nga jeta në moshën 69-vjeçare aktori i njohur

14:43 Kulturë

Shi mendimesh mbi Mero Bazen dhe librin e tij poetik “Shi me baltë”!

14:13 Kulturë 1 koment

‘Peach Flavors Balkans’, produketet greke prezantohen në Tiranë

12:31 Kulturë 2 komente

Dyrrahu nëpërmjet monedhave! Ekspozita e hapur brenda në kullën veneciane në qytetin e Durrësit

10:31 Kulturë

Rama në ekspozitën e piktorit Naxhi Bakalli: Një shfaqje e bukur linjash dhe ngjyrash

09:32 Kulturë

Shoqëria që harron të shkuarën/ Ermal Hasimja prezantoi në Shkodër veprën e tij të parë “E shkuar e pakryer”...

09:19 Kulturë

Gonxhja: Dyfishim i hapësirave në Muzeun e Arteve të Bukura

08:30 Kulturë

“Toska” në TKOB, duartrokitje të gjata për tenorin Pirgu

19:51 Kulturë

Gërmohen godinat antike përballë stadiumit të parkut arkeologjik të Amantias

18:50 Kulturë