Te fundit
Ridvan Dibra pranoi çmimin për romanin më të mirë të Panairit
1 Qershor 2026, 11:11Kulturë
TEMA
Për tri ditë me radhë, oborri i Famullisë së Shkodrës u kthye në një hapësirë takimi mes autorëve, studiuesve, botuesve dhe lexuesve në edicionin e dytë të panairit “Libri të ban të lirë”.
Kjo nismë po e forcon edhe më shumë rolin e Shkodrës si kryeqendër e kulturës dhe letrave shqipe.
Në ceremoninë e hapjes ishte e pranishme edhe nënkryetarja e bashkisë Shkodër, Teuta Qyteza, e cila e përshëndeti këtë iniciativë dhe vlerësoi rëndësinë e saj në promovimin e librit, leximit dhe autorëve shqiptarë.
Në përmbyllje të panairit u ndanë edhe çmimet e edicionit: Ridvan Dibra u vlerësua me çmimin “Romani më i mirë”, Romeo Gurakuqi me çmimin “Studimi më i mirë”, Durim Taçi me çmimin “Përkthimi më i mirë”, ndërsa Luçia Zorba u nderua me çmimin e mirënjohjes.
Ky aktivitet e bëri Shkodrën një pikëtakimi të rëndësishëm të kulturës, dijes dhe librit.
A.K./TemA
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Është shumë turp që famullia, së pari, ka lejuar këtë veprimtari shekullare në mjediset e saj dhe, së dyti, që është dhe më e rëndësishmja, ka lejuar këtë sllogan: vetëm Krishti të bën të lirë, jo libri.