Te fundit
“Shkodra Jazz” ul siparin, edicioni i 16-të solli tinguj ndërkombëtarë dhe atmosferë
1 Shtator 2025, 10:31Kulturë
TEMA
Për shkak të kushteve atmosferike, koncerti përmbyllës i edicionit të 16-të i “Shkodra Jazz Festival” u zhvendos në sallën “Mikel Koliqi”, ku u zhvillua një mbrëmje e mbushur me tinguj e emocione.
Artistët nga Rumania sollën atmosferë të veçantë për publikun shkodran, ndërsa në skenë performoi edhe mjeshtri Markelian Kapidani.
Në fjalën e tij, z. Kapidani theksoi se festivali nuk ka vetëm vlera artistike, por edhe edukuese për brezat e rinj.
“Ne kemi nevojë për aktivitete të tilla, të cilat janë jo vetëm dëfryese, por kanë vlera artistike e edukuese brenda tyre, që të emancipohet në njëfarë mënyre edhe publiku shqiptar,” tha mjeshtri Kapidani.
Iniciativa të tilla duhet të përkrahen dhe të vazhdojnë, sipas tij.
“Kemi nevojë për mbështetjen e publikut, por edhe të bizneseve, që akoma nuk janë edhe aq sensibël ndaj aktiviteteve të veçanta,” u shpreh muzikanti.
Përgjatë muajit gusht, koncertet e “Shkodra Jazz Festival” gjallëruan mjediset kulturore të qytetit, duke e kthyer Shkodrën në një qendër të rëndësishme të muzikës xhaz në vendin tonë.
Mbrëmjet muzikore do të transmetohen për shikuesit në rrjetin e RTSH.
- RTSH-
Më të lexuarat
24 oret e fundit
Javen e fundit
Blog Tema
Lini një Përgjigje