“Unë, vajza e “panjohur” e aktorit Agim Shuke”, rrëfimi prekës i Jonidës: Trauma që më la pa fëmijë!

9 Shkurt 2024, 16:00Kulturë TEMA

“Unë, vajza e “panjohur” e aktorit Agim Shuke”,

Vajza e aktorëve të mëdhenj shqiptarë Agim Shukes dhe Mirketa Çobanit, ka rrëfyer një anë të errët të jetës së saj, duke prekur fëmijërinë, ndarjen e prindërve dhe traumat e divorcit të tyre.

Jonida Çobani Gjoka e ftuar në ABC News, deklaroi se e ka përjetuar shumë divorcin e prindërve të vet për faktin se ndihej si një hije dhe si shkaku.

Vajza tregon se edhe pse dy aktorë të njohur, jeta e tyre private nuk ishte ajo më e mira dhe gjithçka që i lidhte ishte vetë ajo.

“Divorcin e prindërve të mi e kam vuajtur jashtëzakonisht shumë. Kam qenë shumë e vogël, vetëm 9 muajshe. Ishin dy të rinj të ‘Arteve’, por mendoj se jam produkt i një dashurie të re, të papjekur të dy aktorëve që rolin e dy bashkëshortëve në jetë nuk arritën ta bënin dot. Kam qenë si hije, si ‘backstage’, pasi e kam marrë personale ndarjen e tyre. Edhe tani e ndjej po aq fuqishëm atë dhimbje, pasi e di se çfarë përvoja të shëmtuara ka pasur nëna ime me tim atë.

Unë jam vajza e Agim Shukes dhe Mirketa Çobanit. Në fillim kur takoja babin qaja, pastaj mami vendosi që të mos më çonte ta takoja më. Pastaj vinte babi, por unë nuk kisha një lidhje të brendshme me të. Ishte një lidhje që nuk arrita t’i jepja jetë. Pas vdekjes së tij kam takuar njerëz për të lidhur ato zinxhirë të zgjidhur, megjithatë nuk arrita kurrë ta njihja dhe ky është një peng i imi. Ishte pikërisht botëkuptimi tyre fetar që çoi ndarjen e tyre. Gjyshja nga ana e babit ishte ortodokse dhe nuk dha kurrë bekim për lidhjen e mamit dhe babit. Aludohet për një tradhti jashtëmartesore që i vuri kapakun. Sa më shumë jetonin bashkë aq më shumë kuptonin se nuk kishin gjëra që i lidhnin, përveç një fëmijë“, u shpreh Jonida.

Gjatë rrëfimit të saj, teksa tregonte traumat ajo u shpreh se si pasojë e asaj që ka përjetuar ka vendosur që të mos bëjë fëmijë. Jonida tregoi se bashkëshorti e ka pranuar dëshirën e saj.

3 Komente

  1. G
    Gomari i babatasit

    Rrespekt per aktorin e madh Agim Shuke,ne e vleresojme per ate cka ai ka sjelle ne fushen e kinematografise,per ato probleme qe ai mund te kete pasur me familjen e tij ne si admirues te profesionalizmit te tij aktoresk nuk mwrrim asnje pozicion dhe as nuk na takon qe ta kemi.

    1. v
      vloravlora beja forra

      Agim Shuke ishte nje njeri model, me tere kuptimin e fjales. E kam njohur per vite me radhe.

      1. T
        Tani

        Fatkeqesi qe emra te medhenje sic eshte Agim Shuke , por e gjithe Plejada e tyre te lihen ne zgrip te kohes. Kaq shume Miliona Euro ne qarkullim nga Shteti , dhe kurre nuk u ndertua nje Tempull ne kujtim te ketyre legjendave. Respekte per emrin dhe kontributin mjaft te cmuar te Agim Shuke.

        Lini një Përgjigje