Te fundit
Aktori i njohur Luke Wilson mirëpret fëmijën e parë me partneren 30 vite më të re
9 Korrik 2026, 14:20Lifestyle
TEMA
Aktori i njohur amerikan, Luke Wilson, është bërë baba për herë të parë në moshën 54-vjeçare. Ylli i filmave të suksesshëm Old School dhe Legally Blonde ka mirëpritur fëmijën e tij të parë me partneren Kendall Yates, 24 vjeçe.
Lajmi është konfirmuar nga Page Six, pasi çifti u shfaq së fundmi në një event promovues për serialin e ri të Wilson në Netflix, The Hawk, i mbajtur në Resort at Pelican Hill në Newport Beach, Kaliforni.
Wilson dhe Yates u panë me vajzën e tyre të porsalindur në një karrocë për foshnja, ndërsa, sipas burimeve, ua prezantuan të ftuarve dhe kolegëve të pranishëm në event.
Ky është fëmija i parë për aktorin, i cili prej vitesh kishte shprehur dëshirën për t’u bërë baba. Në një intervistë të dhënë për revistën People në vitin 2007, Wilson kishte rrëfyer se, edhe pse në atë kohë nuk ishte në një lidhje, ëndërronte të krijonte një familje dhe të kishte fëmijë.
Luke Wilson dhe Kendall Yates, e cila është 30 vite më e re se aktori, kanë zgjedhur ta mbajnë marrëdhënien larg vëmendjes së mediave. Ata u fotografuan për herë të parë së bashku në janar të vitit 2023 gjatë një shëtitjeje në plazh me qenin e aktorit.
Që prej asaj kohe, çifti është parë vetëm në disa dalje të rralla publike, kryesisht pranë plazheve në Los Angeles. Në qershor të vitit 2024, ata morën pjesë edhe në një aktivitet të industrisë së filmit pas premierës së Horizon: An American Saga – Chapter 1.
Ardhja në jetë e vajzës së tyre shënon një kapitull të ri në jetën personale të Luke Wilson, i cili tashmë po përjeton për herë të parë emocionet e të qenit prind.
Më të lexuarat
24 oret e fundit
Javen e fundit
Blog Tema
Lini një Përgjigje