Te fundit
Bashkëshortja e Lewandowskit rrëfen anën e vështirë të jetës me një futbollist: “Jam vërtet e frikësuar”
9 Korrik 2026, 09:01Lifestyle
TEMA
Anna Lewandowska ka folur hapur për emocionet që po përjeton pas transferimit të bashkëshortit të saj, Robert Lewandowski, te Chicago Fire në MLS. Edhe pse lëvizja e sulmuesit polak është pritur me entuziazëm në botën e futbollit, për familjen e tyre ajo shënon fillimin e një kapitulli të mbushur me sfida.
Në një postim të ndjerë në Instagram, Anna pranoi se ndihet “vërtet e frikësuar” për ndryshimin e madh që e pret familjen me zhvendosjen nga Barcelona në Çikago.
“Kam menduar gjatë se çfarë të shkruaja. Mund të postoja një foto me buzëqeshje dhe të shtiresha sikur gjithçka është perfekte, por nuk është. Na pret një ndryshim i madh dhe jam vërtet e frikësuar,” u shpreh ajo.
Sipas medias britanike Goal, Anna tregoi se Barcelona ishte kthyer në shtëpinë e saj dhe largimi nga qyteti që e konsideronte vendin ku ndihej e sigurt nuk është aspak i lehtë. Ajo theksoi se shqetësimi më i madh lidhet me dy vajzat e çiftit, të cilat do të duhet të lënë shkollën, miqtë dhe jetën që kishin ndërtuar në Spanjë.
Sipërmarrësja dhe ekspertja e fitnesit foli edhe për sakrificat që shoqërojnë jetën në krah të një sportisti elitar.
“Jeta me një sportist nuk përbëhet vetëm nga momentet e bukura. Ajo kërkon edhe kompromise të vështira familjare. Unë do ta mbështes Robertin me gjithë forcën time, sepse jemi një ekip, por si grua kam të drejtë të kem frikë dhe të ndihem e mbingarkuar,” tha ajo.
Pavarësisht pasigurive, Anna bëri të qartë se do të vazhdojë ta mbështesë bashkëshortin në këtë kapitull të ri të karrierës së tij, ndërsa familja përgatitet të nisë një jetë të re në Shtetet e Bashkuara.
Më të lexuarat
24 oret e fundit
Javen e fundit
Blog Tema
Lini një Përgjigje