Te fundit
Angelina Jolie mahnit në premierën e filmit “Couture” në Paris, shfaqet me fustan transparent në tapetin e kuq
10 Shkurt 2026, 09:53Lifestyle
TEMA
Angelina Jolie tërhoqi vëmendjen e të gjithëve në premierën e filmit të saj më të ri, “Couture”, e mbajtur në Paris, ku u shfaq me një paraqitje elegante dhe mjaft të komentuar.
Aktorja hollivudiane parakaloi në tapetin e kuq e veshur me një krijim të veçantë nga Givenchy, një fustan gjysmë transparent i zbukuruar me xixa që i jepte një shkëlqim të veçantë pamjes së saj. Veshja kishte një prerje asimetrike dhe detaje me rruaza, ndërsa u kompletua me taka të zeza dhe bizhuteri luksoze, përfshirë një unazë me diamant të gjelbër rreth 15 karatësh dhe vathë të ngjashëm.
Në filmin “Couture”, Jolie interpreton rolin e Maxine Walker, një regjisore që përballet me një diagnozë të rëndë të kancerit të gjirit gjatë kohës që punon pranë një shtëpie të madhe mode në Javën e Modës në Paris. Filmi ndjek gjithashtu rrugëtimin e një modeleje dhe një grimieri që përpiqen të gjejnë vendin e tyre në industrinë e modës, duke sjellë në fokus pasarelën dhe prapaskenat e saj.
Projekti është me regji të Alice Winocour dhe është realizuar me qasje të veçantë në ambientet dhe studiot e Chanel, një mundësi që rrallë u jepet produksioneve filmike.
Jolie ka një lidhje të hershme me botën e modës. Në vitin 2023 ajo themeloi markën Atelier Jolie, një kolektiv artistësh nga e gjithë bota që synon krijimtarinë e qëndrueshme dhe sfidimin e konsumit të tepërt.
Aktorja ka folur shpesh edhe për përvojën e saj personale me sëmundjen. Në vitin 2013 ajo iu nënshtrua një mastektomie të dyfishtë parandaluese për shkak të rrezikut të lartë gjenetik, ndërsa dy vite më vonë kreu edhe ndërhyrje për heqjen e vezoreve dhe tubave fallopiane. Nëna e saj, Marceline Bertrand, kishte humbur jetën nga kanceri i gjirit dhe i vezoreve.
Burimi: Page Six
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
kë ka mahnitur??ndonjë pit tjetër? se kjo të ka kallte datën dhe para 20 vjetësh!!
Laper xheloz. Angeline Jolie eshte aktorja me e madhe ne bote.
si e zbulove aman të keqen!duke parë nga . ? jolie aktorja më e mirë në botë??në çfarë filmi ka luajtur??për kalamaj??rritu xemla,rritu!!
"Në filmin më të ri, e mbajtur në Paris"??? Thuhet "i xhiruar" në Paris, mor gazetarucë analfabetë.