Te fundit
"E gjeta të shtrirë në tokë", aktorja rrëfen mes lotësh humbjen e babait
17 Nëntor 2024, 11:26Lifestyle
TEMA
Aktorja Egla Ceno ka ndarë një rrëfim prekës në emisionin “S’e Luan Topi,” duke folur për humbjen e babait të saj, regjisorit të njohur Agim Ceno, i cili ndërroi jetë kur ajo ishte vetëm 18 vjeç.
E përlotur, Egla kujtoi momentet e veçanta me të atin dhe lidhjen e tyre të fortë duke treguar se si ai ndikoi në jetën dhe personalitetin e saj.
“Ka qenë një njeri që të gjithë e donin, gjakëmbël. Kur atij i mungonte asistenti, unë bëhesha asistente e tij në kinostudio, në kinema, kudo. Ishim shumë të lidhur,” rrëfeu ajo mes lotësh.
Egla ndau gjithashtu momentin e vështirë kur babai i saj pësoi hemorragji cerebrale dhe ajo e gjeti në një situatë të rëndë.
"Mami më thotë që duart i kam si babi dhe kaçurrelat. Jam krenare që i kam ngjarë. Sa kisha mbushur 18 vjeç kur ndërroi jetë. Më merrte kudo me vete, në kinostudio dhe dasma, në kinema sigurisht, në shfaqje…
Më dha atë që mund të më jepte, nëse më bie rasti trashëgoj një këshillë nga im atë që më thoshte ‘bëj çfarë të dojë zemra, por kur të ikësh mos të thonë ja kjo’ dhe një gjë tjetër që nuk e kam kuptuar deri vonë, më thoshte ‘çdo ves mund të falet, ama vjedhja është mama i gjithë veseve.
Unë isha gjimaziste, ai dilte çdo mëngjes pinte kafe te një lokal afër kinoteatrit. Dy raste më janë fiksuar në kokë me babin, ditën kur i ra hemorragjia cerebral kam kërkuar për të dalë jashtë nga ora e mësimit, ndenja ankth.
U afrova te lokali dhe një shok i babit më merr dhe më afron te lokali ku ishte babi. Shoh tim atë që po pësonte hemorragjinë. Vjen ambulanca dhe e transferon në Berat, aty ka ndenjur 14 ditë.
Një natë para se të vdiste më përsëritej kjo gjendje. Ishte e vështirë dhe të lëvizje, të ishe femër mund edhe të grabiteshe.
Gjetëm një makinë u nisëm dhe e kam takuar, nuk fliste ishte paralizuar gjysma e tij e djathtë. I thash se do të sjell dhe çunat, diçka u mundua të thoshte, por nuk e bëri dot. Ika në shtëpi atë mbrëmje dhe ditën tjetër e sollën pajetë.
Më ka ngelur peng që nuk arriti të jetojë. Unë e gëzoj çdo ditë, kam energji të madhe, e di që dhe ai do ishte kështu. Nuk mundi të bëjë shumë gjëra. Më vjen keq për të”, tha Egla në rrëfimin e saj.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po ik moj baxhelle ,goje hale ,te gjithe njerzit humbasin prinderit ,por disa qe u bene vipe nga askund ,ju ra fati ta perdorin ne tv
Nje kino operator ne Polican." Regjizor " nje titull i larte