Te fundit
Jennifer Lopez në një rrëfim të ndjerë: "Jam paragjykuar, doja të hiqja dorë nga karriera"
14 Qershor 2022, 16:51Lifestyle
TEMA
Jennifer Lopez ka debutuar me dokumentarin e saj të ri “Halftime”, ku ajo reflekton mbi karrierën e saj legjendare, duke përfshirë edhe atë që pothuajse hoqi dorë nga ajo.
Aktorja dhe këngëtarja 52-vjeçare ndihmoi në krijimin e një rruge për të ndjekur aktoret e tjera latine, duke u bërë aktorja e parë që fitoi mbi 1 milion dollarë për rolin e saj në “Selena”.
Me famën erdhi edhe një kontroll i shtuar mbi fizikun dhe bukurinë e saj, siç zbuloi ajo në dokumentarin, që debutoi të martën në Netflix, se kritikat ishin aq intensive sa kishte menduar të linte fare industrinë.
Jennifer Lopez ka rrëfyer se pothuajse u largua komplet për shkak të standardeve specifike të bukurisë në atë kohë, shkruan DailyMail.
Këngëtarja e “Get Right” njihet për pamjen dhe linjat atraktive, por jo gjithmonë u pëlqye për këtë në Hollywood.
Ishin jo pak momente në karrierën e saj prej dekadash, ku kritikat e ashpra ndaj saj pothuajse e bënë atë të largohej tërësisht nga qendra e vëmendjes. Njerëzit talleshin me figurën e saj, duke përfshirë edhe barkun e saj të formësuar.
Në atë kohë, kishte më pak diversitet kur bëhej fjalë për njerëzit me ngjyrë si dhe për format trupore.
“Ka pasur shumë raste kur mendoja se thjesht do të heq dorë. Më duhej të kuptoja vërtet se kush isha. Dhe besoni në këtë dhe mos besoni në asgjë tjetër”, tha Lopez.
“Kur fillova të punoja, ideali i bukurisë ishte shumë i hollë, bionde, e gjatë, jo linja shumë të theksuara”, u shpreh tutje ylli.
Lexo po ashtu:
Jennifer Lopez përlotet gjatë fjalimit emocional në “MTV Movie & TV Awards 2022” pas pranimit të çmimit të gjeneratës
“Unë u rrita rreth femrave me forma të plota, kështu që nuk më vinte turp. Ishte e vështirë, kur mendon se njerëzit mendojnë se je një shaka – ishte si një goditje me grusht”, pranoi ajo.
Karriera e Jenniferit filloi në vitin 1989 dhe u fut në aktrim në vitin 1993. Ylli arriti çmimin e parë me rolin e saj si ‘Selena Quintanilla-Perez’ në filmin “Selena” në 1997. Më pas ajo publikoi albumin e saj debutues “On the 6” në 1999.
Publikimi i dokumentarit të saj vjen pasi ajo u nderua me ‘çmimin e gjeneratës’ në “MTV Movie and TV”, javën e kaluar.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Jane faza te karieres e jetes me te cilen perballen talentet kudo ne Bote . Por sigurishte qe gjerat marrin kthesat e duhura dhe len pas ato faza pesimizmi ,sulmesh te padrejta bere nga konkurenca e cila s'gjen kurr qetesi ,e rri pa gjume dite e nate , e le pas cdo dyshim edhe ne vetvehte ,qe per hir te se vertetes ndodh ne shume talente . Por ja siedhe tregon Jennyifa vet gjithcka me kembengulje e mbeshtetje gjen perseri rrugen e duhur. Mbas Siguracionit te te Pasmeve te Fameshme -prej te cilave u frymezuan edhe Familja Kardashjan ,qe i kushtoj (ne mos gaboj ) 10 Miljon ,qe sido t'ja shtypnin kuptohet ja sillnin perseri ne format e me pareshme ,kariera i njohu vetem Ngritje Lart . Vertet per t'u admiruar eshte ,rrespekt .
Kush jane ata legene qe te paragjykojne ty.Me thuaj emrat