Te fundit
Legjenda e mundjes Sabu vdes në moshën 60 vjeçare
12 Maj 2025, 09:04Lifestyle
TEMA
Sabu, një nga figurat më të njohura dhe ikonike të mundjes profesionale, ka ndërruar jetë papritur në moshën 60-vjeçare. Lajmi tronditës u bë i ditur më 11 maj 2025, ndërsa shkaku i saktë i vdekjes ende nuk është bërë publik.
Emri i vërtetë i mundësit ishte Terry Michael Brunk, por ai njihej botërisht me emrin e tij skenik – Sabu. Karriera e tij u karakterizua nga një stil ekstrem dhe rrezikshmëri e lartë, duke përdorur shpesh objekte si tavolina, karrige, shkallë dhe tela me gjemba në ndeshje që sfidonin kufijtë e asaj që mund të quhej sport.
Sabu u bë i njohur për nofkat e tij të famshme si “Suicidal, Homicidal, Genocidal, Death-Defying”, që përshkruanin saktësisht mënyrën e tij të pamëshirshme dhe spektakolare të luftës në ring.
Ai ishte nipi i legjendës së mundjes The Sheik, dhe e nisi karrierën në vitet ’80, por kulmin e arriti në vitet ’90 në Extreme Championship Wrestling (ECW), ku fitoi dy herë titullin e kampionit të peshave të rënda dhe tre herë titullin e tag teams. Më pas, Sabu kaloi edhe në WWE në mesin e viteve 2000.
Vetëm një javë përpara vdekjes, Sabu kishte zhvilluar ndeshjen e tij të fundit në Las Vegas, duke shënuar në mënyrë të heshtur tërheqjen e tij nga ringu.
Largimi i tij la pas një boshllëk të madh në botën e mundjes profesionale, ku ai do të kujtohet përherë si një pionier i stilit “hardcore” dhe si një legjendë që i dha gjithçka këtij sporti.
Më të lexuarat
24 oret e fundit
Javen e fundit
Blog Tema
Lini një Përgjigje