Te fundit
“Mjekët thanë se kisha vetëm 2% mundësi për të jetuar”, rrëfehet protagonisti i serialit “Friends”
19 Tetor 2022, 21:30Lifestyle
TEMA
Pak më shumë se një vit më parë, në maj 2021, saktësisht 17 vjet pas lamtumirës së “Friends”, protagonistët e serialit, Jennifer Aniston, Courteney Cox, Lisa Kudrow, Matt LeBlanc, Matthew Perry dhe David Schwimmer, u ribashkuan në HBO Max.
Me 10 sezone shumë të suksesshme dhe 236 episode në total, Rachel, Monica, Phoebe, Joey, Chandler dhe Ross u bënë shumë të famshëm. Por, fama ka dhe anën e saj të errët. Nga të gjithë aktorët, Matthew Perry, i cili interpretonte personazhin Chandler Bing, dukej qartë që vuante pasojat e varësisë ndaj qetësuesve.
Sot, në një intervistë për revistën “People”, 53-vjeçari rrëfen gjithçka, duke theksuar se falënderon Zotin që është ende gjallë.
Matthew Perry tregon se ishte pranë vdekjes rreth katër vite më parë.
Në atë kohë u raportua se aktori vuante nga një perforim gastrointestinal, por në realitet ai kaloi javë të tëra duke luftuar për jetën pasi i shpërtheu zorra e trashë nga përdorimi i tepërt i qetësuesve.
Ai kaloi dy javë në koma dhe 5 muaj në spital.
“Mjekët i thanë familjes se kisha 2% mundësi për të jetuar”, kujton aktori. Kjo ndodhi si pasojë e varësive që e detyruan Perryn që të hynte në rehabilitim plot 15 herë dhe t’i nënshtrohej 14 operacioneve.
“Kam shumë arsye për të qëndruar esëll. Mjafton vetëm të shikoj se si jam bërë poshtë. Po të kisha vdekur, njerëzit do të trishtoheshin, por nuk do të çuditeshin. Dhe kjo është një gjë shumë e frikshme ”, thotë 53-vjeçari.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po mirë mo, si gazetarë, bëni ndonjë hulumtim paraprak, për të kuptuar pse M.Perry ka pirë aq shumë qetësues? Apo ç'e deshe? Që në fakt Perry ka pësuar një aksident me jet ski në 1997 dhe doktori i përshkroi në recetë Vicodin si qetësues, dhe e që atëherë i filloi varësia nga qetësuesit. Kurse varësinë ndaj alkoolit e ka pasur që më parë e vazhdoi për vite me radhë. S'keni faj juve si gazetarë, se për ju, e rëndësishme deri në detaj është propaganda për rilindjen dhe Ramën, të tjerat janë garniturë pa vlerë sa për të mbushur faqet e gazetës, garniturë që nuk të jep bukë. Bukë të jep vetëm partia.