Te fundit
Monologu viral i Nikki Glaser në Golden Globes: DiCaprio i arriti të gjitha para se e dashura të mbushte 30 vjeç
12 Janar 2026, 11:49Lifestyle
TEMA
Komediania Nikki Glaser prezantoi ndarjen e çmimeve Golden Globe këtë vit, e cila u mbajt të dielën në mbrëmje. Ceremonia u shënua nga monologu i saj i zgjuar në të cilin, ndër të tjera, ajo bëri shaka për Leonardo DiCaprio-n dhe jetën e tij dashurore, si dhe për yje të tjerë të Hollivudit.
Glaser reflektoi mbi nominimin e DiCaprio-s për filmin "One Battle After Another", duke i dërguar atij një sërë komplimentesh.
"Çfarë personi i çmendur, ti rrezaton fjalë për fjalë nga ekrani. Ke pasur një karrierë të jashtëzakonshme me role të panumërta ikonike, ke punuar me të gjithë regjisorët e mëdhenj. Ke fituar tre çmime Golden Globe dhe një Oscar".
Më pas ajo shtoi: “Dhe gjëja më mbresëlënëse nga të gjitha është se ia dole t’i arrish të gjitha këto para se e dashura jote të mbushte 30 vjeç. Dua të them, kjo është vërtet çmenduri”.
Aktori 51-vjeçar buzëqeshi dhe tundi kokën në shenjë miratimi. E dashura e tij 27-vjeçare, Vittoria Ceretti, me të cilën ai kaloi pushimet së fundmi në Shën Barts, nuk ishte e pranishme në ceremoni.
“Leo, më vjen keq për këtë shaka, është e kotë dhe u përpoqa ta shmangia, vazhdoi Glaser. Por, vëlla, ne nuk dimë asgjë tjetër për ty. Nuk ka asgjë tjetër. Unë bëra kërkimin tim, intervista më e thelluar që ke dhënë ndonjëherë ishte për Teen. A është ushqimi yt i preferuar ende 'makarona, makarona dhe akoma më shumë makarona'?”.
"Po", murmëriti DiCaprio nga tavolina e tij, duke bërë shenjë me gishtin e madh lart. "Sigurisht që po"./ E.K
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Sepse ai i nderron partneret cdo vit,dhe te rene nuk e merr mbi 25 vjec.