Te fundit
Nga këngëtarja që la dy fëmijë jetim, tek i riu që doli të festonte lindjen e djalit: Histori trishtimi në Maqedoninë e Veriut
17 Mars 2025, 12:20Lifestyle
TEMA
Një tragjedi e madhe e ka tronditur Maqedoninë e Veriut. Mëngjesi i djeshëm solli një ngjarje të tmerrshme, kur një zjarr shpërtheu në një klub nate në qytetin e Koçanit, duke lënë 59 të vdekur dhe shumë të tjerë që luftojnë mes jetës dhe vdekjes.
Nga ngjarja, shumë histori njerëzore janë shfaqur në media, të cilat përshkruajnë dhimbjen dhe humbjen e pashuar që ka kapluar të gjithë. Një ndër viktimat e njohura ishte futbollisti Andrej Lazaroz, i cili u asfiksua nga tymi gjatë përpjekjeve të tij heroike për të shpëtuar të pranishmit. Dëshmitarët thonë se ai u përpoq me çdo mundësi për të ndihmuar të rinjtë e tjerë, duke përdorur forcën dhe shpejtësinë e tij të trashëguar nga sporti për t’i mbrojtur ata nga flakët.
Një tjetër tragjedi është ajo e Sara Projkovska, profesoreshë në Fakultetin e Muzikës dhe vokaliste mbështetëse e grupit "DNK". Ajo humbi jetën në tragjedinë, duke lënë dy fëmijë jetimë. Sara po luftonte të siguronin të ardhura për rritjen e fëmijëve të saj, pasi bashkëshorti i saj, trompetisti Aleksandar Nikolovski, kishte ndërruar jetë disa vite më parë. Tragjedia është e thelluar pasi janë konfirmuar vdekjet e të gjithë anëtarëve të grupit "DNK", të cilët ishin gjithashtu të pranishëm gjatë ngjarjes fatale.
Historia e një të riu, Tose, është po ashtu shumë prekëse. Ai kishte dalë të festonte lindjen e djalit të tij, por nuk u kthye më. Zjarri dyshohet të ketë shpërthyer për shkak të fishekzjarreve, duke përshkruar një ditë që kurrë nuk do të harrohet.
Në nder të viktimave, Maqedonia e Veriut ka shpallur shtatë ditë zie. Një ngjarje tragjike që ka lënë pas një dëshmi të dhimbshme dhe të papërshkrueshme për shumë familje.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Sentimentalizem gjakdhjeresh gerrrrko arrixhinji .......