Te fundit
U pagua gabimisht me 330 paga, vendimi i gjykatës për punonjësin bëhet viral
9 Mars 2026, 15:46Lifestyle
TEMA
Një gabim i pazakontë në sistemin e pagave të një kompanie në Kili është kthyer në një histori virale në mediat ndërkombëtare dhe rrjetet sociale. Një punonjës përfundoi duke marrë në llogarinë e tij bankare plot 330 herë më shumë se paga mujore, për shkak të një gabimi administrativ gjatë procesit të pagesave.
Ngjarja ndodhi në vitin 2022, kur gjatë transferimit të pagave një kompani i dërgoi punonjësit një shumë që arrinte rreth 164 mijë euro, shumë që ishte shumë herë më e madhe se paga e tij normale.
Sipas raportimeve, punonjësi e vuri re menjëherë shumën e pazakontë në llogarinë e tij dhe njoftoi kompaninë për gabimin. Përfaqësuesit e saj i kërkuan të paraqitej në bankë për të nisur procedurat e kthimit të parave.
Megjithatë, historia mori një kthesë të papritur. Pak ditë më vonë, punonjësi paraqiti dorëheqjen nga puna përmes avokatit të tij dhe ndërpreu komunikimin me kompaninë, ndërsa paratë nuk u kthyen.
Kompania vendosi ta çojë çështjen në gjykatë, duke e akuzuar ish-punonjësin për përvetësim të paligjshëm dhe duke kërkuar rikthimin e shumës.
Pas shqyrtimit të rastit, gjykata arriti në përfundimin se nuk kishte prova për përgjegjësi penale nga ana e punonjësit. Sipas gjyqtarëve, transferimi i parave ishte kryer gabimisht nga vetë kompania dhe nuk kishte asnjë provë se punonjësi kishte manipuluar sistemin e pagesave apo kishte kryer mashtrim.
Gjykata theksoi se për të provuar një vepër penale duhet të ekzistojë mashtrim ose një detyrim i qartë ligjor i shkelur nga përfituesi i parave. Në këtë rast, gabimi ishte bërë nga kompania.
Rasti ka ngjallur debat në rrjetet sociale dhe në media, duke ngritur pyetjen: çfarë do të bënte secili në një situatë të tillë?
Më të lexuarat
24 oret e fundit
Javen e fundit
Blog Tema
Lini një Përgjigje