Te fundit
Shkencëtarët tregojnë se kur mund të vijë fundi i botës
8 Gusht 2022, 17:14Lifestyle
TEMA
Yjet lindin, jetojnë dhe vdesin. Dielli nuk është i ndryshëm, dhe ai do të ‘vdesë’ një ditë. Ndërsa disa të tjerë mendojnë se dielli ka ekzistuar para lindjes së njerëzimit dhe do vazhdojë të ekzistojë deri në përjetësi.
Por së fundmi është një grup studiuesish që besojnë se kanë deshifruar rrugën sesi ylli ynë do të pushojë se ekzistuari. Skuadra e astronomëve dhe fizikanëve, të udhëhequr nga profesori Albert Zijstra i Universitetit të Manchester beson se fundi i Diellit do të shfaqet në një formë “lavdie hapësinore” që quhet nebula planetare.
Sipas këtij studimi, që ka marrë rreth një dekadë kohë, në vitet e fundit të tij, kur Dielli është duke djegur hidrogjenin që i ka mbetur, do të shndërrohet në një gjigant të madh të kuq, duke u përhapur me 250 herë nga masa aktuale.
“Kur një yll vdes hedh në hapësirë gaz dhe pluhur kozmik në një sasi sa gjysma e tij. Pjesa tjetër është bërthama, që ndriçon në ngjyrë të bardhë dhe vazhdon të djegë atë pak karburant që i ka mbetur për të paktën 10 mijë vite të tjera, një kohë e vogël në astronomi”, thotë profesor Zijstra, një ndër emrat më me peshë në astronomi.
Kjo do të thotë se Dielli në këtë fazë do të ketë gllabëruar Tokën dhe të gjithë planetet e tjera të sistemit tonë, ndërsa sa për fatet e njerëzimit, mos u shqetësoni! Ne, nëse nuk do të jemi larguar prej këtu, do të jemi zhdukur prej kohësh. Pas kësaj, mbërrin faza e pluhurit dhe e gazit hapësinor që do të qarkullojë nëpër hapësirë për miliona vite të tjera deri në momentin që do të nisë një cikël i ri, pra formimi i një tjetër sistemi diellor.
Teorinë e tyre, shkencëtarët e bazojnë në faktin që 90 për qind e nebulave të vrojtuara që prej fillimit të viteve ’90 tregojnë se rrjedhin nga një sistem i zhdukur. Dilema e tyre ishte nëse Dielli ynë ka masën e nevojshme për t’u shndërruar në një të tillë apo jo. Deri vonë besohej që jo, por pas analizave të fundit të kryera edhe falë zhvillimit të teknologjisë së superkompjuterave, rezultati del i kundërt.
Raporti i plotë studimor i shkencëtarëve ndërkombëtarë u publikua në revistën “Nature Astronomy”.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Baba i mushkes eshte gomari, e zbuloi Zijstra shkencetari ... .
Ajo dihet qe planetet nuk jane te perjetshme dhe nuk konceptohet koha si ne toke .Nga ndryshimet e temperaturave qe zgjasin mijra e mijra vjet edhe njezimi do perpiqet tu pershtatet ndryshimeve por ne se nuk do arrijne te shkojne ne nje planet tjeter,gje qe eshte 99% e pa mundur ,do shuhet. Me shuarjen e diellit apo shperberjen e tij peson ndryshime gjithe sistemi diellor ku ne i perkasim.Sa per titullin e artikullit eshte shkruar gabim dhe me injorance Nuk ka fund bote,nuk do kete kurre por ka fund te nje planeti i cili eshte i lidhur dhe ndervarur nga sistemi i tij diellor.
ha ai burri lart ashtu dote ndodhe me diellin por ai nuk th se pas aa mlona vitesh do te ndodhe harxhimi i i H-se dhe fryrja e diellit deri jashte kufirit torbites se planeti me te funditzotit pluton n une nuk dua te rrol me shume se 5000 vite ,edh ne vdiqa me perpar kujt plasi pr mu jeto sot vella dhe mos cajkoken oken per trilionat e paperdhokut