Te fundit
Turisti amerikan arrestohet pasi i la një pije freskuese fisit më të izoluar në botë
3 Prill 2025, 18:11Lifestyle
TEMA
Një turist amerikan është arrestuar pasi ka bërë një zbarkim të paligjshëm në ishullin e ndaluar North Sentinel në Indi, duke vënë në rrezik fisin më të izoluar në botë.
Mykhailo Viktorovych Polyakov, 24 vjeç, një influencer i udhëtimeve, dyshohet se ka lënë një kanoçe Coca-Cola për banorët e fisit Sentinelese, të cilët jetojnë pa kontakt me botën e jashtme.
Sipas raportit të policisë, Polyakov kishte vizituar ishullin edhe dy herë më parë, në tetor dhe janar. Ai përdori një gomone për të arritur në ishull dhe u arrestua më pas nga autoritetet indiane. Policia konfiskoi karburant, dylbi, një kamera GoPro dhe sende të tjera nga dhoma e tij e hotelit në Andaman Sunset View.
Influenceri, i cili poston video në YouTube me emrin "Neo-Orientalist", është i njohur për udhëtimet e tij të diskutueshme. Vitin e kaluar, ai vizitoi Afganistanin nën kontrollin e talebanëve, ku xhiroi video duke mbajtur një mitraloz dhe duke eksploruar tanke sovjetike.
Polyakov pritet të dalë përsëri para gjykatës në Port Blair të shtunën.
Rasti ka shkaktuar polemika, me shumë njerëz që e dënojnë veprimin e tij si një akt i papërgjegjshëm dhe i rrezikshëm për fisin Sentinelese, i cili është i ndaluar të vizitohet për të mbrojtur jetën dhe kulturën e tij.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kanoçe coca cola!?? A ju brez i dhjere
O drejtor po si thuhet. Na e trego pak.