Te fundit
Video/ Dubai hap hotelin më të lartë në botë, Ciel Tower thyen çdo rekord
5 Dhjetor 2025, 10:47Lifestyle
TEMA
Dubai ka shtuar zyrtarisht një tjetër mrekulli arkitekturore në listën e tij mbresëlënëse. Ciel Tower, hoteli më i lartë në botë, ka hapur dyert për vizitorët duke vendosur një rekord të ri global në industrinë e turizmit dhe luksit.
Hoteli ndodhet në zonën luksoze të Dubai Marina dhe arrin një lartësi prej rreth 377 metrash, me mbi 80 kate, duke lënë pas çdo hotel tjetër ekzistues në botë për nga lartësia.
Ciel Tower ofron mbi 1,000 dhoma dhe suita luksoze, të gjitha me dritare panoramike që shtrihen nga dyshemeja deri në tavan, duke u dhënë vizitorëve pamje spektakolare mbi Palm Jumeirah, Dubai Marina dhe Gjirin Arabik.
Një nga atraksionet më të veçanta është edhe pishina “infinity” më e lartë në botë, e vendosur në katet më të larta të hotelit, ku vizitorët mund të notojnë duke shijuar pamje marramendëse nga lartësitë ekstreme.
Hoteli përfshin gjithashtu restorante luksoze, bare panoramike, ambiente relaksi dhe shërbime ultra-moderne, të projektuar për klientelën më elitare në botë.
Sipas mediave të huaja, fillimisht Ciel Tower nuk ishte konceptuar të ishte hoteli më i lartë në botë, por gjatë procesit të ndërtimit planet u rishikuan dhe projekti u ridizenjua për të thyer rekordin botëror.
Hapja e Ciel Tower forcon edhe më shumë pozicionin e Dubait si një nga destinacionet më të rëndësishme të turizmit elitar në botë, ku arkitektura futuriste dhe projektet gjigante janë kthyer në simbol të qytetit.
Ky hotel pritet të tërheqë mijëra turistë nga e gjithë bota, të cilët kërkojnë jo vetëm luksin ekstrem, por edhe një eksperiencë unike nga majat e qiellit.
Burimi: CNN
Më të lexuarat
24 oret e fundit
Javen e fundit
Blog Tema
Lini një Përgjigje