Te fundit
21 Janari, vrasja e Aleks Nikës pa autor: Prokuroria e Tiranës e vonuar, nuk ka bërë asnjë veprim shtesë hetimor
22 Janar 2024, 21:10Politika
TEMA
Gazetari i ABC News, Ermal Vija thotë se vrasja e Aleks Nikës, është ende pa autor.
Në emisionin “Real Story” në ABC News, Vija u shpreh se Prokuroria e Tiranës është e vonuar dhe jep të njëjtën kronologji se po kryhen hetime.
Sipas Vijës, deri më tani, Prokuroria e Tiranës nuk ka bërë asnjë veprim shtesë hetimor në lidhje me këtë çështje.
“Deri në këto momente, prokuroria ka pa autor vrasjen e Aleks Nikës. Janë dy momente. E para, plumbi që është gjetur në kafkën e Nikës, është dërguar më herët në një laborator në Itali dhe ky plumb ende nuk ka mbërritur në Prokurorinë e Tiranës. Ditët e fundit, Prokuroria e Tiranës ka dërguar disa prova të tjera shtesë, mund të jenë dhe armët me të cilët është qëlluar mbi protestuesit dhe për t’u bërë më pas krahasimi i plumbave me armët të cilat tashmë janë dërguar në Itali dhe pritet që edhe për këto të kemi një konkluzion. Prokuroria e Tiranës është e vonuar sa i takon këtij hetimi.
Fillimisht, ka qenë Policia e Shtetit e cila ka pasur një iniciativë për të referuar ngjarjen, nga viti 2021. Kanë kaluar 3 vite kur Prokuroria e Tiranës, edhe në njoftimin e bërë publik ditën e sotme, na thotë se ka vetëm hetime, na tregon të njëjtën kronologji. Prokuroria deri në këtë fazë, nuk ka bërë asnjë veprim shtesë hetimor, përveç marrjes në pyetje të një kolegut tonë, i cili bëri publik vitin e kaluar një audio-përgjim”, theksoi ai./abcnews.al
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Autori dihet urdherdhenesi kryekrimineli dhe kryehajduti Sali Vuk Berisha, autori i organizimit te 4 vrasjeve ne Sjhkoder me 2 prill 1991 dhe i 4 mije te tjereve ne Vlore, permet, Berat e gjithe Shqiperine e Jugut. Te kapet Ndra Prendi dhe te detyrohet te flase ose perndryshe te denohet me burgim te perjetshem!