Te fundit
A do ta marrë mandatin e deputetit pas refuzimit të Bicit? Përgjigjet Plarent Ndreca
11 Janar 2024, 12:18Politika
TEMA
Teksa Dallëndyshe Bici refuzoi marrjen e mandatit të deputetit nga vakanca e krijuar pas mosparaqitjes 6-mujore të Arben Ahmetaj, tashmë vëmendja kalon tek Plarent Ndreca, si i radhës në listë.
I kontaktuar nga Euroneës Albania, Ndreca konfirmon se do të pranojë mandatin e deputetit.
“Patjeter që po, i nderuar madje”, ishte përgjigja e Plarent Ndrecës.
Në një letër dërguar sot (11 janar) Komisionit Qendror të Zgjedhjeve, Bici informoi kryekomisonerin Ilirjan Celibashi se nuk do të vijojë procedurat ligjore përkatëse për marrjen e mandatit të deputetit në Kuvendin e Shqipërisë.
Sipas rezultatit të zgjedhjeve të vitit 2021 në qarkun e Tiranës, aty ku Ahmetaj u zgjodh deputet, pas Dallëndyshe Bicit, mandati i kalon juristit Plarent Ndreca, me 4008 vota personale.
Pas mbi 6 muajsh në arrati, Arben Ahmetaj humbi mandatin e deputetit dhe Kuvendi i Shqipërisë njoftoi KQZ-në për vakancën. Në shkresën dërguar KQZ, Kuvendi thotë se Ahmetajt i ndërpritet mandati për shkak të mungesës pa arsye për 6 muaj. Hera e fundit kur ish-zv.kryeministri Arben Ahmetaj ka qenë në Kuvend ka qenë data 6 korrik 2023.
Mbi Arben Ahmetajn rëndojnë akuzat për korrupsion, pastrim parash dhe fshehje pasurie, në lidhje me skandalin e inceneratorëve. Më 20 korrik SPAK lëshoi urdhër arresti për të, ndërsa disa ditë më vonë u shpall në kërkim ndërkombëtar.
4 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Plarent Ndreca? Ja vlen!
Nje hajdut me shume e ka vertetu kur ka qene Sekretar i pergjithshem ka qene shume i perfolur
Eshte i zoti
Plarent Ndreca eshte nje hajdut, bandit dhe mafioz! Ja kush shkon ne Parkament!