Te fundit
Alibeaj letër Celbashit: Basha është dorëhequr, dokumentacioni është i plotë
11 Mars 2023, 10:21Politika
TEMA
Kreu i grupit parlamentar të PD, Enkelejd Alibeaj ka informuar kreun e KQZ-së Ilirjan Celibashi në lidhje me dokumentacionin e kërkuar nga KQZ për regjistrimin në zgjedhjet e 14 majit.
Alibeaj ka njoftuar Celibashin se Lulzim Basha është dorëhequr si kryetar i PD më 21 mars 2022 dhe dokumentacioni i paraqitur është i plotë.
Përfaqësuesi ligjor i Partisë Demokratike, Indrit Sefa i është drejtuar sot Komisionit Qendror të Zgjedhjeve me një njoftim dhe kërkesë për të vijuar me regjistrimin e PD në zgjedhjet lokale të 14 majit, edhe pa dokumentacionin me firmën e Lulzim Bashës.
Në këtë njoftim, thuhet Basha është dorëhequr dhe se dokumentacioni i paraqitur për t’u regjistruar në zgjedhje, është i plotë.
Kreu i KQZ Ilirjan Celibashi, ka deklaruar se asnjë parti politike nuk mund të regjistrohet në zgjedhje, nëse deklarata e kryetarit të partisë nuk shoqërohet me nënshkrimin e tij.
Sipas tij, në dokumentacionin e dorëzuar mungonte dhe deklarimi formal për dorëheqjen e Bashës dhe “në vlerësim të këtyre fakteve, nuk ka asnjë mundësi që të injorohet kjo kërkesë e kodit zgjedhor”.
Alibeaj deklaroi mbrëmjen e të premtes se nuk do të ndryshojë qëndrim për kërkesën e kreut të KQZ-së, Ilirjan Celibashi për dorëzimin e një dokumenti të firmosur nga Basha, pasi përndryshe rrezikon regjistrimin në zgjedhjet lokale.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kjo mund te jete nje loje e brendeshme e PD-se ku dhe grupi i Alibeajt do te njoh Sali berishen si kryetar pas zgjedhjeve.ne kete drejtim nje ndihme te madhe po e jep Celibashi,i cili gjoja zbaton ligjin,por faforizon Sali Berishen dhe i thote SHBA-s se "non graden" nuk e rregjistrova,por faji eshte i PD-se drejtuar nga Basha - Alibej qe nuk rregulluan dokumentin. Pra zoti celibashi ha edhe bakllavane edhe revanine. apo me sakt i ka hedhur doren ne qafe edhe Saliut edhe SHBA-se. Por nuk ka lene prapa kurrizit si kunatin dhe patriotin e trij Ilir Meten si skraparlinje qe jane. Po fitoi opozita,Celibashi rreshtohet krenar midis tyre. Po humbi opozita,celibashi thote:" Une e kreva detyren time,per te cilen me ngarkuat"