Te fundit
Muharrem Haklaj dhe Aishe Haklaj padisin Berishë në SPAK: Si tentuan njerëzit e tij të na vrisnin
30 Dhjetor 2022, 14:07Politika
TEMA
Muharrem Haklaj dhe Aishe Haklaj, motra e madhe e Haklajve, kanë vendosur që të çojnë ish-kryeministrin Sali Berisha para SPAK me akuzën se bashkë me bandën e tij të armatosur ka shfarosur familjarët e tyre në Tropojë.
Avokati i tyre mbrojtës është Idajet Beqiri.
Ja si i shpëtoi atentatit Muharrem Haklaj
Në kallëzimin penal thuhet se: “Në datën 14.08.2002 Muharrem Haklaj ishte duke lidhur një qen pranë shtëpisë së tij, jashtë murit rrethues. Ishte ora 06.30 e mëngjesit. Banda e Armatosur e Sali Berishës ka qëlluar tre herë ndaj tij me snajper. Më pas kanë qëlluar në drejtim të tij me automatikë dhe mitrolozë të lehtë. Falë Zotit dhe lëvizjeve të tij, ky person ka mbetur i gjallë, pa pësuar asgjë.
Shenjat e plumbave të shumtë në murin rrethues të shtëpisë janë parë nga forcat e policisë, të cilat për 50 minuta kanë qenë në vendin e ngjarjes në shtëpinë e Muharrem Haklaj. Policia i ka bërë të gjitha veprimet hetimore, ka kqyrur dhe fotografuar vendin e ngjarjes, ka fiksuar gjurmët e plumbave në murin rrethues të shtëpisë dhe mbi çati.
Në vendin ku ishte ngritur prita për të vrarë Muharrem Haklaj kanë shkuar forcat e policisë, por edhe vajza e Hamdi Haklaj, e quajtur Drenica Haklaj, e cila në vendngjarje ka parë sende ushqimore, një thikë buke, si dhe një letër të grisur në copa-copa, në një pjesë të së cilës ishte emri dhe mbiemri Përparim Hyka dhe nënshkrimi poshtë emrit dhe mbiemrit.
Kush ishin pjesëtarë të tentativës së vrasjes
Në vendin ku ishte ngritur prita ka patur edhe shenja gjaku, pasi ka mbetur i plagosur djali i Sejd Hasan Hoxhës, i cili atë ditë ka shkuar në Repartin e Kirurgjisë në Spitalin e Bajram Currit dhe ka kërkuar ndihmë mjekësore. Në datën 14.08.2002 janë ngujuar në shtëpinë e Sejd Hasan Hoxhës të tre djemtë e tij, Tahir Sejd Hoxha, Agim Sejd Hoxha dhe Selim Sejd Hoxha, çfarë tregon se ata kanë qenë pjesëtarë të tentativës së vrasjes për hakmarrje primitive të Sali Berishës kundër kryetarit të familjes Haklaj, Muharrem Haklaj.
Ne pritën për vrasjen e Muharrem Haklaj kanë qenë dhe kanë qëlluar mbi të me armët snajper dhe automatike Guxim Qazim Byberi dhe një person tjetër anëtar i Bandës. Shtetasi Guxim Byberi është një ushtar besnik i Sali Berishës. Këta dy persona, Guxim Byberi dhe një person tjetër i paidentifikuar, kanë vazhduar të qëllojnë me armë nga mali edhe kur në vendngjarje kanë ardhur forcat e policisë.
Policia nuk i ka ndjekur ata. Në krye të kësaj Bande të Armatosur për të vrarë Muharrem Haklaj ka qënë Miftar Lumneshi së bashku me dy vëllezërit e gruas së tij, të quajturit Out Sylejman Nezën dhe Sadri Sylejman Nezën.
Dëshmitarët e atentatit
Në këtë atentat të kësaj Bande të Armatosur kanë qenë si pjesëmarrës edhe 4 (katër) djem të rinj, të cilët nuk janë njohur nga dëshmitarët okularë, sepse nuk janë të Tropojës. Dëshmitarë okulare për këtë ngjarje, kanë qenë edhe dy mbesat e Muharrem Haklaj, të quajturat Bujana Sherif Basha dhe Drenica Hamdi Haklaj.
Këto ishin në majë të Kullës Haklaj dhe me dylbitë që posedonin, kanë parë shumë mirë të gjitha veprimet e bandës vrasëse dhe kush ishin me emër dhe me mbiemër shumë prej tyre (Gjithsej 12 persona). Plumbat dhe gëzhojat e gjetur në vendngjarje janë të dala nga të njëjtat armë automatikë, mitrolozë të lehtë dhe snajper që ishin gjetur më parë në të gjitha vrasjet e tjera të kryera me armë ose të mbetura në tentativë.
Qëllohet me plumba kulla e Haklajve
Në datën 20 qershor 2006 është qëlluar me plumba Kulla e Haklajve. Denoncimi në Polici është bërë nga qiraxhiu që jetonte në katin e parë të shtëpisë, Manush Selivrada. Policia e Tropojës dhe Prokuroria kanë filluar procedimin penal për këtë çështje, por e kanë pezulluar. Në këtë kohë në banesë kanë qenë gruaja dhe fëmijët e Manush Selivradës, të cilët janë rrezikuar nga të shtënat.
Në datën 18 korrik 2006 për herë të dytë, Kulla e Haklajve është qëlluar me breshëri armësh për të vrarë cilindo që ndodhej brenda saj. Plumbat i kanë kaluar fare pranë kokës së qiraxhiut. Dëshmitari Manush Selivrada ka bërë kallëzim penal për këtë akt terrorist në Policinë e Tropojës. Policia ka ardhur në vendngjarje dhe pas kqyrjes së vendit të ngjarjes, ka fiksuar gjurmët e këtij akti terroristë, si plumbat e gjetura nga armët automatike dhe snajperi, drejtimi i të cilave vinte nga kodra përballë shtëpisë së Haklajve.
Akti terrorist më barbarë prej kësaj Bande të Armatosur të Sali Berishës është ai i datës 24 korrik 2006. Kulla e Haklajve goditet me predha artilerie. Njëra predhë bie në çatinë e kullës, duke shkaktuar dëme materiale, ndërsa predha tjetër u gjet e paplasur në ballkonin e kullës në katin e dytë të saj. Qiraxhiu që ishte brenda kësaj Kulle me fëmijët dhe gruan e tij nuk kanë pësuar gjë. Pas këtij sulmi barbar terrorist, ai së bashku me familjen e tij janëshpërngulur dhe banojnë në qytetin e Bajram Currit.
Si u hodh në erë kulla e Haklajve
E njëjta Bandë e Armatosur kriminale e drejtuar nga Sali Berisha, në datën 14 gusht 2006, kanë shkuar në Kullën e Haklajve dhe kanë kryer aktin tjetër terrorist, duke spërkatur me benzinë të treja katet e kësaj Kulle dhe duke i vënë flakën asaj. Kulla është shkrumbuar e gjitha, duke shkaktuar një dëm të rëndësishëm material, pasi ajo është kthyer në gërmadha, ndërsa jetë njerëzish nuk janë dëmtuar sepse nuk kishte asnjë person që të banonte atë ditë aty.
Ndërsa në datën 16 shtator 2006 kjo Bandë e Armatosur, me Sali Berishën në krye, sot deputet i Kuvendit të Shqipërisë, e etur për gjak dhe për masakër të padëgjuar mbi Familjen Haklaj, me mjete lufte të rrezikut të madh, sikurse është eksplozivi C4, kanë kryer aktin e rëndë terrorist, duke e vënë këtë eksploziv C4 në të gjithë perimetrin rrethyes të Kullës, me sasira shumë të mëdha, duke e hedhur në erë Kullën e Haklajve në Kërrnajë të Tropojës dhe duke e rrafshuar atë plotësisht.
Nga ky akt terrorist ka dëme të mëdha materiale, por jo njerëzore, sepse në Kullë nuk ka qenë askush për të banuar. Neni 230 i Kodit Penal parashikon sa vijon: “Kryerja e veprimeve të dhunshme ndaj jetës, shëndetit të njerëzve, lirisë vetjake nëpërmjet rrëmbimit të tyre apo të mjeteve të udhëtimit masiv, që kanë për qëllim turbullimin e rëndë të rendit publik dhe ngjalljen e frikës e të pasigurisë në masë, dënohet me burgim jo më pak se pesëmbëdhjetë vjet ose me burgim të përjetshëm.”
Tentativa për vrasje ndaj Ajshe Haklajt
Në korrik të vitit 2009, pak ditë se të udhëtonte për në Suedi, Ajshe Muharrem Haklaj ishte në qytetin e Bajram Currit. Ajo është përndjekur në mënyrë të vazhdueshme këtë ditë prej Medi Hoxhës për ta vrarë. Në momentin që Ajshe Haklaj ka pikasur rrezikun e vrasjes prej Medi Hoxhës, është futur në dyqanin ku shitëse ishte një grua me mbiemrin e burrit “Lomnica” dhe mbiemrin e saj të vajzërisë “Seci”. Ajshe Haklaj ka qenë e shoqëruar prej Luljeta Selivrada.
Të dyja kanë pikasur Medi Hoxhën që donte të ngjitej pas Ajshe Haklaj dhe po nxirrte nga xhepi i tij pistoletën.Menjëherë Luljeta Selivrada i ka dal përballë Medi Hoxhës dhe ka mbuluar me trupin e saj Ajshe Haklaj. Në këtë kohë ka reaguar edhe shitësja e dyqanit dhe Medi Hoxha është larguar. Këtë ngjarje, si dhe kanosjen serioze për vrasje që Ajshe Haklaj i ka bërë Haki Hoxha, kjo i ka dënoncuar në Komisariatin e Policisë dhe te ish Ministri i Brendshëm, të cilët e morën kallëzimin penal, por organi i akuzës nuk ngriti kurrë akuzë kundër tyre.
10 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Kur shoh emrat e pritës i bie që të kenë qënë hasmit tuaj dhe jo Sali Berisha, apo jo!? Pastaj po vrave do te vrasin, kjo eshte krejt historia.
Hidaet ke bythë ti heqësh plumbin?Me kallzime të tilla ai nuk pjerth sepse i zgjodhi gjithë prokurorët dhe gjykatësit sipas dëshirës i la të vidhnin e tani sja mban ti hedhin hekurat.Bëj padi për Metën bëj padi për Salën dhe asgjë.Rezi do të zhdukin ty dhe ata do jenë atje ku janë.Pse?Sepse ska kush i areston.
I DASHUR IDAJET. KETO NUK JANE FAKTE QE IMPLIKOJNE BERISHEN.
Heeee Sali kapedani. ! Jane Deshmi dhe jo Intriga sic flete TI ketu e 32 vjete .. Te mjeret dhe ata qe jane perlyher me Ty ! Cdo gje ka nje fund,dhe fundi po te vjen, edhe pse TI e di shume mire fundin qe perpelitesh duke Akuzuar z.Juru Kim apo Ambasadorin e Anglise. ! Mos u merzite se fundi i Krimineleve ky do Jete .Do vdesesh Si njeriu me i uryher ne Shqiperi .Qe e digje dhe vrave simbas Bestimit Komunist kure u pranove Testen e PPSH .
Heeee Sali kapedani. ! Jane Deshmi dhe jo Intriga sic flete TI ketu e 32 vjete .. Te mjeret dhe ata qe jane perlyher me Ty ! Cdo gje ka nje fund,dhe fundi po te vjen, edhe pse TI e di shume mire fundin qe perpelitesh duke Akuzuar z.Juru Kim apo Ambasadorin e Anglise. ! Mos u merzite se fundi i Krimineleve ky do Jete .Do vdesesh Si njeriu me i uryher ne Shqiperi .Qe e digje dhe vrave simbas Betimin Komunist kure u pranove Testen e PPSH .
Idajeti avokati qe ja shkruajn dhe idajeti i dorezon. O idajet loqja keto nuk quhen fakte po prralla. Po ca pret ti vetem avokat sje
Kjo ftyr me pamje njerzore ,pjell e vet Djallit te mbarsur ne barkun nga ku doli ky perbindesh anti shqiptar, per ti sjell ktij Kombi shkaterrimin ,vazhdon akoma te vjell zjarr e te jetoj i qet mes shqiptareve ,te pa zot, e te paaft te nderojn emrin qe mbajn !Tallet ky ,mashtron ky ,akuzon ky i mbushur e i zhytur ne krim e ska forc e dinjitet ta mbledh ajo qe quhet drejtesi qoft shtetrore ,shoqerore dhe njerzore KY, me nje tuf egersirash shpelle , lu ka futur daten e ju ka ulur breket komplet ktij shteti ku jeton ....e nuk nguron te sulmoj kedo brenda e jasht kufive ku jeton , pa e ngar kush KY esht pasqyra e turpit te madh qe mban ne kuriz ky popull
Do një problem t'a shkërmoqësh dhe bësh të pavlerë? Besoja zgjidhjen një Komisioni hetimor Parlamentar, ose merr për avokat të çështjes Idajet Beqirin.
Do te ishte veprim i sakte qe akuza te ngrihej ndaj emrave te permendur dhe jo direkt ndaj Berishes, pasi faktet ndaj Berishes ne kete rast nuk jane te mjaftueshne. Keto akuza vetem e shfajsojne ate perpara opinionit publik. Nese nuk ka prova direkte do te rezultoje i pafajshem. Kjo eshte "certifikate" me vendimi gjyqesor.
Me vrasësin nuk ke pse pret apo kërkon drejtësi nga tjetër kush, ku nuk u dhëmb asgjë. Të ka vrarë një, do ti marësh dy, aty ku u dhëmb më shumë. Ka plot raste që jan vrarë, por ka dhe pendesë e kërkesë për falje, por kur edhe të vrasin edhe të vrasin prap nëpërmjet drejtësisë që ai vrasësi blen, kjo është e pafalshme. Numri i të marit hak në shqipëri, është rritur për faktin sepse drejtësia gjyqësore ka rivrarë për së dyti të vrarët. Dihen gjyqëtarët e apelit në tiranë, ku në shuma valutash të huaja, nxirrnin nga burgjet apo shfajsonin vrasësit me urdhër të berishës apo të shumës që mirrnin. Këtu ngrihet vetëm për berishën, por ka plot vrasës të tjerë me veladonin e gjyqëtarëve apo të prokurorëve dhe të atyre të mjeksisë ligjore, ku në bashkëpunim me njëri tjetrin, shfajësonin vrasësin. Ky peng dhe ky hak ka me i njekë tan kohën, apo tan jetën i kta vrasës me pushtet. Dihen bamat e Gjinit, Zeqineja, e tjer ku në bashkëpunim me ish kryetarin e gjykatës nalt zagarnjori, kan ba biznes mbi kufoma e mbi gjakun e të vramëve. Kur t’shuhet drita e dillit, nji ather ka me u shu dhe hakmarja për nji kta njerëz që jetojnë i sot, me menjen se asht harru e poshtnu gjithfarit mbi kta njerëz qi vranë sbashku me trekanshin; prokuror gjykatës mjeksia ligjore. Sparit i kena lan zotin, ku fmijt e tyne apo të dashtunit e tyne, urojm si tken fatin e atyne si kta vran, e sdyti e qi asht ma e ransishtmja ku nuk vdes kurret, asht nji dit, ballafaqimi me borxhin si na kanë. Janë shum nji ata si kërkojn e presin drejtësi, ani pse ajo nuk don, do ta bajn vet njerzit e hijet e nji aty si vran.