Te fundit
Bardhi mbledh Këshillin Kombëtar, Kryesia: Po e përdor për arsye personale politike. Të shtunën zgjedhim kryetarin
27 Korrik 2023, 15:00Politika
TEMA
Kryesia e PD ka reaguar pasi Komisioni i Apelimit në PD shpalli të pavlefshëm Këshillin Kombëtar që Gazment Bardhi mbledh sot online në orën 19:00.
Vendimin e Bardhit për të mos u tërhequr, kryesia e quan shkelje dhe vendim për arsye personale politike.
“Cdo pretendim i tij për mbledhjen e Këshillit Kombëtar është për arsye personale politike. Kryerja e veprimeve aktive për organizmin e mbledhjes së Këshillit Kombëtar nga ana e Sekretarit të Përgjithshëm, në kundërshtim me vendimin e Komisionit të Apelimit, Integritetit dhe Etikës është shkelje flagrante dhe e hapur e Statutit të Partisë Demokratike.
Partia Demokratike do të vijojë rrugën e saj për riorganizimin dhe ringritjen e strukturave të saj të çdo niveli.
Ky proces është i pashmangshëm dhe i domosdoshëm për rrugëtimin e PD drejt përmbushjes së misionit te saj.
Të shtunën demokratet do të zgjedhin Kryetarin dhe do të nisin ringritjen dhe riorganizimin e saj” thuhet në reagimin e Kryesisë.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Imagjino ! Kto nuk qeverisen dot mes vedit dhe duan te qeverisin vendin !!!!!!!!!!!!!!