Te fundit
Basha takim me Knut Abraham e CDU: Lufta kundër korrupsionit sfidë për vendin, keqqeverisja po largon masivisht shqiptarët
17 Tetor 2024, 15:30Politika
TEMA
Kreu i PD-Demokratët Euroatlantikë, Lulzim Basha, zhvilloi një takim në Berlin me deputetin e CDU-së, Knut Abraham, ku diskutuan çështje të rëndësishme për Shqipërinë dhe rajonin.
Gjatë takimit, Basha theksoi sfidat e vendit, si lufta kundër korrupsionit, sundimi i ligjit dhe përpjekjet për respektimin e shtetit ligjor.
Basha shprehet se pjesë e bisedës ishte edhe bashkimi i votave mes qeverisë dhe një pjesë të opozitës për lirimin e zyrtarëve të korruptuar, duke e cilësuar si një mesazh negativ për drejtësinë, si dhe mbylljen e listave.
Një tjetër temë e rëndësishme ishte largimi masiv i shqiptarëve për shkak të keqqeverisjes, që sipas Bashës ka sjellë humbje ekonomike prej mbi 800 milionë euro në vit.
Nga ana tjetër, deputeti gjerman Knut Abraham, mbështeti anëtarësimin e Kosovës në Këshillin e Europës dhe NATO, duke e cilësuar si një hap të rëndësishëm për sigurinë në rajon dhe paqen në Evropë.
Postimi i plotë Bashës:
Sot pata kënaqësinë të takoj në Berlin mikun tim, deputetin e CDU-së, Knut Abraham, i cili është një mik i Shqipërisë dhe shqiptarëve. Diskutuam mbi sfidat me të cilat përballet Shqipëria sot, duke filluar nga lufta kundër korrupsionit, sundimi i ligjit, respektimi i shtetit ligjor, etj.
Qeveria dhe një pjesë e opozitës, duke bashkuar votat për të liruar zyrtarët e korruptuar, i dhanë një mesazh tejet negativ organeve të drejtësisë, duke thënë se ju i dënoni të korruptuarit, por ne i lirojmë. Bashkimi i votave të Edi Ramës dhe një pjese të opozitës që drejtohet nga Sali Berisha për mbylljen e listave u hoqi mundësinë shqiptarëve të zgjedhin me votën e tyre deputetët në Kuvendin e Shqipërisë.
Gjithashtu diskutuam për plagën e madhe të Shqipërisë sot, që është largimi masiv i shqiptarëve, pasi keqqeverisja e ka pamundësuar ndërtimin e një jete dinjitoze në vendin e tyre. Si pasojë e emigracionit, Shqipëria ka sot më shumë se 800 milionë euro humbje në vit, ndërsa sipas të dhënave të fundit të Eurostat-it, gjysma e popullsisë jeton në varfëri.
Knut Abraham, deputet i Bundestagut, anëtar i Komisionit për Punë të Jashtme dhe anëtar i Asamblesë Parlamentare të Këshillit të Europës, është një zë i fuqishëm në mbështetje të Kosovës dhe anëtarësimit të saj në Këshillin e Evropës.
Anëtarësimi i Kosovës në Këshillin e Europës dhe në NATO, si dhe hapja e negociatave për anëtarësim në BE, është në interes të BE-së, paqes dhe sigurisë në rajon. Europa duhet të mësojë nga lufta në Ukrainë për të zgjidhur konfliktet e ngrira, të cilat, siç dëshmoi ngjarja e Bajnskës një vit më parë, mund të kthehen në kërcënim për sigurinë.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Shkaterruesi opozites...demin qe beri ky njeri opozites nuk ja beri kush. Nje MC Gonigal nje Bash dhe iku opozita.
Ky është me ramazonin se të ishte në opozitë do ishte terrorist sipas portalit të Meros
O Knut,e kujt ia Kerkon kete? Nje prej me te korruptuar e ne Shqiperi ?
NUM KUPTON SE CHYJNE TAKUMET E LUL ASHOVICIT QE THJESHT ESHTE NJE DEPUTET, BYTHEQIRE QE BEN SIKUR COC ESHTE...........PO ME C PARA BREDH KY APO KELLICI I BREGUT TE LUMIT..........APO PSE ESHTE RUSIA E PUTINIT PER TJA MBESHTJELLUR LULBASHOVICIT,KURSE PER JEVGUN KELLICI PAGUAN GABI......
NUM KUPTON SE CHYJNE TAKUMET E LUL ASHOVICIT QE THJESHT ESHTE NJE DEPUTET, BYTHEQIRE QE BEN SIKUR COC ESHTE...........PO ME C PARA BREDH KY APO KELLICI I BREGUT TE LUMIT..........APO PSE ESHTE RUSIA E PUTINIT PER TJA MBESHTJELLUR LULBASHOVICIT,KURSE PER JEVGUN KELLICI PAGUAN GABI......
Po loqe ngele ti more panxhar nuk u poqe , aguridhe tere jeten , salmuti qe te dha ze iku ne gop te LIRIS , tani qe te iken te tere akoma ben verr - verr , ty s'te pirthte njeri kur ishit te gjithe bashke jo do ta ndritish tani me PAMPURKEN .