Te fundit
Celibashi thirrje komisionerëve dhe numëruesve: Deri sonte në mbrëmje, të ketë mbaruar numërimi i votave për gjithë Shqipërinë!
15 Maj 2025, 11:36Politika
TEMA
Komisioni Qendror i Zgjedhjeve u bën thirrje partive politike që kanë anëtarë në KZAZ dhe në GNV të marrin përgjegjësinë që u takon për të nxitur numëruesit dhe komisionerët në KZAZ-të ku ende nuk ka përfunduar procesi i numërimit të votave, që ky proces të përfundojë brenda afatit ligjor.
Sipas kryekomisionerit Ilirjan Celibashi, procesi i numërimit të votave për gjithë Shqipërinë duhet të përfundojë deri në orën 24:00 të ditës së sotme. "Nuk ekziston asnjë arsye që ky proces të mos përmbyllet brenda këtij afati", thotë deklarata.
Duke njohur dhe respektuar të drejtën e kandidatëve për deputet për të vëzhguar dhe mbikëqyrur procesin e numërimit, KQZ i fton ata të shmangin çdo përfshirje në komunikime të panevojshme apo ushtrim presioni ndaj numëruesve dhe komisionerëve.
Përgjegjësia për mosfinalizimin në kohë të procesit i takon plotësisht partive politike. Komisioni Qendror i Zgjedhjeve ka ndërmarrë dhe po ndërmerr të gjitha përpjekjet për të garantuar mbarëvajtjen dhe përfundimin e procesit.
"Nëse situata nuk do të ndryshojë brenda afatit të përcaktuar, me keqardhje njoftojmë se të gjithë personat përgjegjës do të përballen me sanksione ligjore", vijon deklarata e Komisionit Qendror të Zgjedhjeve.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Celibashi e njollosi procesin zgjedhor, ishte pika me e dobet e zgjethjeve, ai personalisht dhe jo pjesa tjeter e KQZ. Ky eshte nje burre vemje, qe mendon se eshte i rendesishem, duhet nxjere ne pension dhe derguar tek partia e familjes nongrata.
Greqine do e numeroje Berish...Dulja...Bej leri !?
I pështirë!