Te fundit
Djegia e karrigeve, reagon Spiropali: Aktet e dhunës e kanë kthyer Kuvendin në një skenë krimi
30 Shtator 2024, 18:28Politika
TEMA
Kryetarja e Kuvendit, Elisa Spiropali ka shprehur keqardhje pas seancës së sotme parlamentare. Në një reagim në rrjetet sociale ajo u ndal tek karriget e djegura nga deputetët e opozitës. Sipas saj, djegia e tyre dëshmon nivelin e mungesës së respektit për qytetarët, ligjin dhe institucionet e shtetit demokratik.
““Karriget tona janë të qytetarëve” tha një deputet i opozitës! Kjo është shumë e vërtetë dhe prandaj ato karrige janë për t’u respektuar duke u ulur mbi to me peshën e besimit të marrë prej qytetarëve. Djegia e tyre dëshmon nivelin më ekstrem të mungesës së respektit për qytetarët, ligjin dhe institucionet e shtetit demokratik”, shkruan Spiropali.
Kryeparlamentarja thotë se aktet e dhunës brenda sallës e kanë kthyer Kuvendin në skenë krimi për t’u marrë në këqyrje nga organet ligjzbatuese.
“Fatkeqësisht zjarrin mbi parlamentet e kanë vënë vetëm përbuzësit dhe shkatërruesit më të mëdhenj të demokracisë në historinë e saj. Edhe më fatkeqësisht zjarrvënia e sotme, dhe aktet ekstreme të dhunës brenda sallës, e kanë kthyer Kuvendin në një skenë krimi, për t’u marrë në këqyrje nga organet ligjzbatuese”, shkruan Spiropali.
Kujtojmë se seanca e sotme parlamentare nuk zgjati shumë për shkak të aksionit të opozitës. Demokratët dogjën karriget dhe nuk lejuan zhvillimin normal të seancës në shenjë proteste kundër burgosjes së ish-deputetit Ervin Salianji.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Leri komentet...... por drejtohu prokurorise . Qellimi tyre edhe dhuna per te fshehur humbjen para kohe. Je kryeparlamentare drejtohu SPAK ut , nese nuk shkoni kam te drejte te mendoje qe ju jeni aktore e nje teatri rrugaçesh.
Nuk ka shtet sepse keto lloj kafshesh nuk duhet te jetojne ne shoqeri por vetem ne kafaz, si ai qe e hodhi dhe ajo qe e mbajti, akti eshte jashte cdo perceptimi njerezor por ndihmon vetem ata qe paraqisin shqipetaret si jo normal………
Kot lodheni sa kohe te keni kta element qe nuk inspirojne Rama do beje qef...nuk gjen njeri te kete pershtypje te mire per Salianjin...