Te fundit
Drejtuesit e rinj politikë trazuan PD-në, Bejko: Berisha tregoi se ka qenë bashkëdrejtues me Bashën! Mundësitë për një fitore në 2025 janë zero
7 Shtator 2024, 09:20Politika
TEMA
Lista e 12 emrave të drejtuesve të qarqeve duket se ka trazuar Partinë Demokratike. Lidhur më këtë temë u diskutua edhe në emisionin ‘Studio Live’, ku politikani Roland Bejko, u shpreh se me këtë listë Berisha tregoi se nuk ka qenë i larguar kurrë nga Partia Demokratike dhe se ka qenë bashkëdrejtues me Lulzim Bashën.
“Me këtë lëvizje që bëri ai vërtetoi se nuk ka qenë i larguar nga PD, po ka qenë bashkëdrejtues me Bashën sepse janë paka shumë të njëjtët emra. Pas zgjedhjeve të 2025 ai po kujdeset që PD ta ketë në hipotekën e tij dhe të lërë trashëgimtarin e vetë që është e qartë që do ta ketë nga familja.
Aty janë disa që më parë që kanë qenë kundërshtar të tij dhe më pas kohë pas kohe shkuan iu bashkuan Grupit të Berishës, ai ka vendosur Salianjin, Gjekmarkajn dhe Boçin”, tha ai.
Bejko theksoi se Berisha ka mashtruar edhe ata që ai i konsideron si besnikë të tij, pasi u premtoi primare, gjë e cila nuk u realizua.
“Berisha që kur u kthye të marr PD, ai mashtroi edhe besnikët e vet, ai u premtoi atyre primare dhe unë u thash se ai ju gënjen. Kjo u duk edhe tek marrëveshja që bëri me Ramën. Sot opozita e Berishës ka shumë para sepse i prodhoi korrupsioni i madh gjatë kohës që ishte në qeverisje, si e mban ai një televizion privat, këto spote që bënë”, tha ai.
I pyetur se sa janë mundësitë e Partia Demokratike për një fitore në 2025, ai tha se janë zero.
“Mundësitë janë zero sepse është një analizë që e kemi bërë gjithmonë. Interesi publik është ndryshe nga interesi partiak. Interesi i këtyre është kush do të jetë në parlament dhe kush do të jetë i pari i listës. Qytetarëve nuk u intereson kush është emri i zgjedhur, por kush është ai ekip që i ndryshon jetën”, tha ai.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Vazhdoni ne rrugen tuaj te ndershme Bejko. Shoni radhet, shpalosni alternativa,krijoni polin e tret me partite tjera te reja dhe populli do tu besoje se jeni te vertete.
Vertete e besoni kete skizofrenin ju ? Megjithate , pyeteni nje here e ka thirrur Tan Tikon per ta andtaresuat , se dajo Dashua nuk pranon . Koqa e kandarit , se bashku me Alibeun dhe Kullurin nga Dukati Jane nisur e do vene te Baba Ballan Saliu . Mos I ngacmoni , si gjithe te tjeret ne kete vend lume e perrua .
E drejte, keshtu duhet vepruar, keta jane me te besueshem, edhe pse kane qene te zgjedhur nga berisha, tani le te vazhdojne te rriten, vetem Bashe e Berishe