Te fundit
Çfarë partie po del nga protestat në Bulevard?!
5 Qershor 2026, 22:12Politika
TEMA
Nga Ylli Pata
Alfred Cako, si “papritur” është paraqitur në seancën e sotme të protestës anti-Zvërnec, ku ka kërkuar që pjesëmarrësit të dalin hapur në një parti politike, të cilën ai e propozoi që të quhet „Partia e Bulevardit”.
Personazhi në fjalë, si dhe një sërë homologësh të tij që i kemi parë natë për natë në panelet e televizioneve në darkë, apo podkaste të reja, janë dëshmia e qartë se kemi të bëjmë jo me një lëvizje spontane. Jo me një zhvillim rastësor, por me një plan apo një varg planesh që kanë kohë që përgatiten, e që prapa tyre ka qendra të përcaktuara që mbështesin këto platforma.
Të cilët nuk kishin mundësi të jenë ndryshe veçse politike. Kemi të bëjmë me qendra gravitacionale jo lineare, që po interesohen për të pasur dorën dhe influencën e tyre në krijimin e një aktori e faktori të rëndësishëm politik në Shqipëri.
Kjo nuk është aspak një gjë e çuditshme, pasi mjaft qendra politike në Tiranë, apo edhe personazhe shumë të rëndësishme, jo vetëm 35 vitet e fundit, kanë qenë investim i rëndësishëm i qendrave gravitacionale jashtë vendit.
Dhe kështu ndodh përgjithësisht jo vetëm në vende si puna jonë që janë të vegjël, por edhe shtete të fuqishme e të mëdha. Në Itali, një fqinj i yni ku ka një njohje më të madhe prej nesh, demokristianët kanë qenë aleatë të ngushtë të amerikanët, ndërsa komunistët ishin satelitë të Moskës. Me rrëzimin e murit të Berlinit, gjërat nisën një process të ri, por qendrat e vjetra kanë ruajtur kozmosin e tyre. Jo më kot edhe Moska, apo edhe Pekini kanë aleanca fluide në disa prej forcave politike, plus SHBA-në.
Duket qartë se qendra si Ankaraja, Athina, por edhe lobe të rëndësishme politike europiane po mbështesin prej kohësh krijimin e një formacioni politik aleat. Ndërsa dy të parët synojnë të kenë lobe që të gjejnë influencën e tyre, ai europian është më shumë konvencional për të mbështetur një frymë dhe nismë të re politike.
Në këtë shtrat heterogjen, mesa duket po del apo po përpiqet të dalë forca e re politike e protestës, e cila do të ketë një proces të sajin formimi, që nuk është e thjeshtë.
Shto këtu edhe influencën e dukshme të Vetevendosjes së Albin Kurtit, i cili që prej 2018-n e ka një fiksim krijimin e një dege të tillë në Tiranë. Degë, të cilin Kurti duket se e ka dashur lineare me kontroll vertical, por gjërat nuk i erdhën sipas dëshirës. Siç u pa edhe në protestë, sinjali është që të kemi një parti të tipit të ri, formacion kontestues dhe ideologjik, të template të gatshme që vijnë nga grupacionet e majta në SHBA dhe Europë.
Një lloj Lëvizje 5 yje të përzier me pak Vetëvendosje apo patriotizëm, shto këtu edhe islamin politik. Ky lloj formacioni, duket qartë se ka një protokoll lëvizjeje apo mënyre funksionimi.
Ku në bazë është i ashtuquajturi rregull antestablishment që po shikohet në kontestimin e mediave edhe gazetarëve, edhe pse thuajse të gjithë personazhet që po dalin nga ky formacion, të gjithë janë lojtarë mediatikë, madje non sot. Thirrjet e këtyre personazve që u kanë mbirë në bark njerëzve nëpër media, për të bojkotuar mediat, edhe pse duket irracional, është një film i parë.
Të njëjtën gjë ka bërë Lëvizja 5 Yje në Itali, madje e bën edhe tani ku sulmon emra të rëndësishëm mediatic në vend. Të njëjtën gjë bën Albin Kurti, i cili edhe fushatat elektorale i bën me kauzën kundër disa gazetarëve të njohur të Kosovës.
Lëvizja 5 Yje e nisi kauzën e vet për të ardhur në pushtet kundër TAP-it, duke ngritur alarmin se do të prishen plazhet e famshme të Puglia-s.
Por kur erdhi në pushtet, Luigi Di Maio, numri dy i lëvizjes atëherë dhe ministër i Jashtëm, mbrojti fort TAP, si zgjidhje që furnizon Europën me gaz që nuk vjen nga Rusia.
Kontestimi, do të jetë një shtrat i gjatë, duke u nisur tek antiestablishmenti, si dhe kauza të lidhura me influencën si çështja anti-izraelite apo të lidhura me ta. Ndërkaq, në lidhje me idenë e planit apo vizionit të tyre zhvillimor, gjasat janë që duhet pritur të kalojë faza e parë…
TemA
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
O Ydhi....mos e vrit mendjen per kete , Shqiperia ka te rinj e te reja te shkelqyer , qe pasi te largojne plerat e politikes 35 vjecare do te dijne te organizohen ne parti te reja......dhe me cudit qe paske pare vetem Alfred Cakon.....Ok , mbase ishe duke pare Palloshin me mitingun e vullnetareve ne Vlore , dhe kur e levize pak TV , pe Cakon , dhe e ktheve prape te festa e Palloshit.....s'ka gje mendoj thjesht se nuk je i mire informuar........une isha aty ne shesh dhe pashe shume njerez te panjohur per mua madje edhe te rinj qe folen me nje oratori per te pasur zili.........ok atehere per ty te uroj "GEZUAR 35 VJETORIN E PS" , e paci me jete Palloshin....por sigurisht edhe Saliun se ata te dy , do s'do ti , jane te pandare !!!!!
Shiko si kan dal hienat e pushtave, cfare nuk po prrallisin vetem e vetem per te baltos Rinine Shqiptaret qe nuk duron dot me. Nje here ishin grek, pastaj serb, pastaj iraniane, tani italian te levizjes 5 yje me ngjyra Vetvendosje, pasneser do thon nuk jan humane por alien te ardhur nga Marsi. Mjaftojn vetem ky delir i shalgjatit me eunuket e tij per te kuptu sa te dhjere e sa tmerr kan nga kjo vale protestash
Parti e Re Flamingot !!!
Analizojne dhe raportojne per nje proteste te orkestruar nga sherbimet sekrete te huaja sikur po ndodh ndonje revolucion boteror. Po ti mbledhesh bashke te gjithe keta idioterit qe tundin falmurin se gjasme u dhimbset vendi as 5 mije vete nuk behen. Dhe asnje prej tyre nuk eshte nga Verneci. Nqs duan te bejne politike bujrum, le te regjistrohen si parti apo organizate dhe le te marrin pjese ne zgjedhje. Le ta provojne bythen se sa i beson populli ata dhe idiotesite qe ata thone. Vitin tjeter jane zgjedhjet lokale.Le te futen ne zgjdhje ti shohim se kush jane keta qe do na e bekan Shqiperine parajse me idete e tyre revolucionare.
O yll dil ti si kryetar i kësaj partie se i njef te gjitha grupet qe shkruan
Partia e ver llapes po piqet e ka kap me qejf.tre dit e kam ne ikin se i kerko afendikoi.