Te fundit
Finlanda dhe Suedia drejt NATO, PS kërkon në Kuvend procedurë të përshpejtuar të ratifikimit të Protokolleve të anëtarësimit
6 Korrik 2022, 16:25Politika
TEMA
Partia Socialiste, me firmën e 30 deputetëve, ka kërkuar që Kuvendi i Shqipërisë të ratifikojë me procedurë të përshpejtuar protokollet e anëtarësimit të Finlandës dhe Suedisë në NATO. PS kërkon të futet në rendin e ditës në seancën e nesërme.
“Bazuar në nenet 28 dhe 49 të Rregullores së Kuvendit, një grup prej më shumë se 28 deputetësh të Grupit Parlamentar të Partisë Socialiste duke vlerësuar rëndësinë e dy projektligjeve të sjella nga Këshilli i Ministrave: "Për Ratifikimin e Protokollit të Traktatit te Atlantikut të Veriut për aderimin e Republikës së Finlandës" dhe "Për Ratifikimin e Protokollit të Traktatit të Atlantikut të Veriut për aderimin e Mbretërisë së Suedisë" dhe duke shpresuar në mirëkuptimin e të gjithë deputetëve të Kuvendit të Shqipërisë, propozojnë:
1. Shqyrtimin me procedurë të përshpejtuar të projektligjeve: "Për Ratifikimin e Protokollit të Traktatit të Atlantikut të Veriut për aderimin e Republikës së Finlandës" dhe "Për propozimin e projektligjit "Për Ratifikimin e Protokollit të Traktatit të Atlantikut të Veriut për aderimin e Mbretërisë së Suedisë".
2. Shqyrtimi me procedurë të përshpejtuar të dy projektligjeve nga mbledhja e përbashkët e Komisionit të Sigurisë Kombëtare dhe e Komisionit të Politikës së Jashtme, e cila të zhvillohet gjatë punimeve të Seancës Plenare të datës 7 Korrik 2022 dhe të depozitohet Raporti i komisionit përgjegjës përpara shqyrtimit gjatë Rendit të Ditës.
3. Ndryshimi i Rendit të Ditës të Seancës Plenare të datës 7 Korrik 2022 duke përfshirë në rend dite si çështje për shqyrtim edhe dy projektligjet "Për Ratifikimin e Protokollit të Traktatit të Atlantikut të Veriut për aderimin e Republikës së Finlandës" dhe "Për Ratifikimin e Protokollit të Traktatit të Atlantikut të Veriut për aderimin e Mbretërisë së Suedisë", thuhet në kërkesën e PS.
Kujtojmë se ditën e djeshme ambasadorët e NATO-s nënshkruan Protokollet e Aderimit për Finlandën dhe Suedinë në selinë e Alenacës, në prani të Ministrit të Jashtëm Finlandez Pekka Haavisto dhe Ministres së Jashtme suedeze Ann Linde.
Sekretari i Përgjithshëm i NATO-s Jens Stoltenberg tha se “Ky është me të vërtetë një moment historik. Për Finlandën, për Suedinë, për NATO-n dhe për sigurinë tonë të përbashkët.”
Javën e kaluar në Samitin e Madridit, udhëheqësit e Aleatëve ranë dakord të ftojnë Finlandën dhe Suedinë për t'u bashkuar me NATO-n pas marrëveshjes së një memorandumi trepalësh midis Turqisë, Finlandës dhe Suedisë. Dje u nënshkruan Protokollet e Anëtarësimit, duke shënuar fillimin e procesit të ratifikimit. Tashmë Protokollet e Anëtarësimit duhet të ratifikohen nga 30 vendet anëtare.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Të gjitha shtetet e OKB - së mund të antarsohen në NATO nëse janë transparente.
Kjo eshte nje levizje ne drejtim te paqes dhe sigurise agatgjate ne Europe.Shqiperia tregon se eshte vertete nje vend europian me politike active.Shiko qe kur eshte e nevojshme procedurat mund te thjesht Ogden, kur ka deshire te mire.Ne te njejten menyre parlamentet e Finlandes dhe Suedis mund te tregohen po aq Europiane sa edhe Shqiperia dhe te mos fshihen pas gishtit, pasi edhe keto vende i dogjen etapat duke anashkaluar Partneritetin per Paqe, keshtu edhe Shqiperia Nuk ka perse behe kavie per eksperimentet franceze.Persosmerine qe kerkojne ndaj Shqiperise le ta arrijme duke qene pjese e BE