Te fundit
Gara me libër shtëpie kundër Ramës: Meta e Berisha përgatisin opinionin për bojkotin e zgjedhjeve lokale të 2023-shit
19 Gusht 2022, 17:55Politika
TEMA
Nga Ylli Pata
“Atë ligjin do t’ja fus në vendin që e pëlqen më shumë”. “Le ta provojë, sa i vlen lëkura”. Në këto ditë gushti, përveç nëpërkës me uniformë blu të Elbasanit, po përjetojmë edhe një garë të fortë mes dy protagonistëve të muajit, pa panele, për të trashur zërin apo edhe mbushur tiktokun politik.
Kjo situatë realisht ka edhe një shpjegim, se ata që trashin zërin nëpër panele, nuk është se e kanë pasur mundësinë në këto pushime që duken shumë të gjata, e që më të gjata do të duket nga një ndryshim apo rikonfigurim i emisioneve të darkës. Ku duket se do të ketë zhvillime të rëndësishme, ashtu si në Parlament, ku pritet të miratohen ligje të forta. Ligje, që siç ka thënë Taulant Balla, nuk do të lejojnë që non grata-t të kenë poste publike, apo edhe ata bashkëpunëtorë të Sigurimit të Shtetit që i kanë devijuar komisioneve të mëparshme.
Duket jemi para një situate provokative, ku mazhoranca do të ndërmarrë nisma ligjore, që prekin Sali Berishën e Ilir Metën.
Një logjikë thotë se ky zhvillim do të kthejë dy presidentët në martirë, në viktima të një regjimi siç e quajnë ata, por të një pushteti që kontrollon Parlament, qeveri, por edhe pushtetin vendor.
Një pozitë që do ta preferonte çdo lojtar politik në botë, ku ai të jetë strumbullari i persekutimit të një pushteti, e në fund nga përplasja me pushtetin, i godituri të vijë në krye, duke fituar zgjedhjet si shpresa e shoqërisë.
Por realisht, pas shpalljes non grata të Sali Berishës, por edhe të tjerëve, Tirana zyrtare nuk ka marrë asnjë vendim që të rregullojë me ligj këtë zhvillim të fortë që i vjen nga Uashingtoni. Përveç rastit të Adriatik Llallës, që vjen nga SPAK.
Po si shikohet nga rasti i Ilir Metës, që sipas Autoritetit të Dosjeve është bashkëpunëtor Sigurimi e ka pasur të gjitha postet e këtij shteti, deri tek Shkëlqim Selami që u largua nga pozicioni i deputetit sepse kishte marrë gjobë për tejkalim shpejtësie në Itali.
Selami u largua edhe pse nuk e pranoi asnjëherë atë vendim të Adriatik Llallës. Nuk bëri parti të re, por vendosi që të mos përkrahë LSI-në, pjesë e të cilit ishte. E në Vlorë, LSI nuk mori më deputetë.
Sot LSI nuk ekziston, por ka një parti të re, që Ilir Meta e krijoi tak fak. Partia e Lirisë, përveç se logjikës që do të kandidojë Ilir Metën për kryebashkiak të Tiranës, nuk është se ka një vizion tjetër në qytetet e tjera.
Si Meta, ashtu dhe Berisha nuk se po përgatisin ndonjë kandidat për zgjedhjet e ardhshme bashkiake. Madje Ilir Meta ka thënë se para zgjedhjeve bashkiake do të ketë ato parlamntare.
Po si do t’i arrijë Ilir Meta zgjedhjet parlamentare? Vetëm me një revolucion që të shkundë e shkatërrojë gjithçka sa të vijë ai dhe Berisha në qeveri. Pasi me zgjedhje, nuk ja kanë arritur.
Por a mundet vallë Meta e Berisha ta rrëzojnë Ramën me rrëmujë? Pra me atë që Meta e quan revolucion anti-amerikan? Mund ta bëjë sikur ta përkrahin njerëzit, por Meta dhe Berisha janë personat që kanë përkrahjen më të vogël në publik, jo vetëm Rama, por ja u merr edhe Kreshnik Spahiu.
Një sondazh i zhvilluar nga një institucion shumë prestigjoz ka arritur në përfundimin se Meta dhe Berisha mund të ndajnë vetëm pjesën e opozitës radikale.
Mazhoranca e Edi Ramës, është për t'u mundur, por asnjë prej ish-presidentëve nuk duket si pretendent. Pasi realisht fjalëkryqi më i madh politik në Shqipëri është se çdo të ndodhë me opozitën. Të cilën as Sali Berisha e as Ilir Meta nuk po e kontrollojnë dot.
Deri tani po e bëjnë vetëm me konferencat e shtypit që zëvendësojnë panelet, por duket që nuk janë gati për zgjedhjet vendore të 2023-shit. Madje kanë bërë gati edhe tezën për t’i bojkotuar, duke u shprehur se duhen përpara zgjedhjet e parakohshme parlamentare.
Po a do të fajësojnë sërish Monikën e Lulin?
TemA
10 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Hahahah po skan se si kalojn kohen ndryshe kta hajdutat
Shikoni degjeneratat që hiqen si politikane dhe statiste te politikes boterore.
Super bashkpunim pra ???? hajduti me spiunin phu phu
Te gjith ne nje tavoline .....tre fjele te vetme ...han turpin me buk ....
Keta jo qe s'duhen votuar por duhen dhjere me nje mut te gjithe. Nga i pari te i fundit. Nese do kete bojkopt ai duhet te jete per gjithe zgjedhjet qe do behen ketej e tutje derisa keta felliqesira te largohen nga skena politike.
Bajgat janë bërë bashkë.
Qe shqiperia te shpeton dhe gjithe kombi te jeton pa krim dhe hasmeri duhet nje ligj çoft edhe i veqant, ti ndalohet le ligj sali berishes dhe ilir metes marrha me politike, ashtu siq beri greqia me agimin e arte dhe pastaj drejtesia duhet patjeter me ta sepse kan shume gjynahe ndaj vendit.
Qe shqiperia te shpeton dhe gjithe kombi te jeton pa krim dhe hasmeri duhet nje ligj çoft edhe i veqant, ti ndalohet le ligj sali berishes dhe ilir metes marrha me politike, ashtu siq beri greqia me agimin e arte dhe pastaj drejtesia duhet patjeter me ta sepse kan shume gjynahe ndaj vendit.
Kuvendi i Shqiperise duhet te nxjerre nje ligj qe kush shpallet Nongrata nga aleatet tane te medhenj: SHBA, Britania e madhe dhe BE t'u nderpritet mandati i deputeti dhe te mos e marrin me kurre.
Gazetar alifmatrak. Kur do mësosh shqip?