Te fundit
Integrimi në BE, Rama pas vizitës në Berlin: Sot shqiptarët më kërkues se ndërkombëtarët
19 Maj 2022, 18:25Politika
TEMA
Pas vizitës së tij në Berlin, kryeministri Edi Rama ka zhvilluar një intervistë ku ka folur rreth takimeve me përfaqësuesit e politikës gjermane e deri te procesi i integrimit në BE.
Kryeministri ka përsëritur qëndrimin se Shqipëria do të kërkojë ndarjen nga Maqedonia e Veriut për integrimin Europian, nëse nuk do të vendoset për Konferencën e Parë Ndërqeveritare në qershor të këtij viti.
Për vizitën Rama theksoi se ishte një ftesë e fondacionit Körber-Stiftung dhe po ashtu një interesim i palëve për të pasur një bashkëbisedim lidhur me procesin e integrimit europian.
Intervistë e kryeministrit pas vizitës së zhvilluar në Berlin:
– Zoti Kryeministër, ju patët një vizitë pune këtu në Berlin, në Gjermani. Pothuajse takuat të gjithë përfaqësuesit e spektrit politik, duke nisur nga kryetari i grupit parlamentar të SPD-së, me ministren e Jashtme, njëkohësisht dhe kryetarja e të Gjelbërve në Gjermani. Gjithashtu takuat edhe kreun e CDU-së. Çfarë diskutuat me gjithë këta përfaqësues të politikës gjermane në lidhje me integrimin e Shqipërisë?
Kryeministri: Kjo ishte një ftesë e fondacionit Körber-Stiftung dhe në të njëjtën kohë dhe një interesim i këtyre palëve për të pasur një bashkëbisedim të afërt, lidhur me procesin e integrimit europian, konkretisht me stacionin e afërt të qershorit dhe përmbylljen e presidencës franceze ku është në rendin e ditës çështja e hapjes së negociatave formale për anëtarësim të Shqipërisë dhe Maqedonisë së Veriut. Patjetër, lidhur me luftën në Ukrainë, pozicionin e Shqipërisë dhe impaktin e luftës mbi rajonin dhe sigurisht edhe për ecurinë e mëtejshme në këtë drejtim për sa i përket edhe angazhimit tonë tëdrejtpërdrejtë në Këshillin e Sigurimit dhe në NATO.
– Ju patët një drekë pune me kreun e CDU-së. Ishin të pranishëm edhe ata që njiheshin si kundërshtaret më të fortë dhe kritikët e Shqipërisë, zoti Krichbaum dhe zoti Ëadephul. Çfarë ndatë me ta dhe cili është aktualisht qëndrimi i tyrenë lidhej me integrimin e vendit tonë?
Kryeministri: Nuk do t’i quaja e nuk i kam quajtur asnjëherëkundërshtarët më të fortë tëShqipërisë apo kritikët më të fortë të Shqipërisë. Ata janë dy figura që kanë një peshë të posaçme në CDU në raport me rajonin, për shkak të detyrave që kanë dhe qëndrimet e tyre kanë qenë qëndrime të cilat kanë qenë të lidhura me një kontekst të caktuar, por patjetër dhe me kërkesën për të bërë më shumë. Patjetër kanë pasur skepticizëm, patjetër kanë pasur arsyet e tyre për të mbajtur një pozicion me regjit por për hir të vërtetës, pozicionimi i tyre sikundër ua thashë dhe sot, ka qenë një sfidë dhe një ndihmë në fund të fundit sepse nëse sot ata janë 100% mbështetës, nëse sot CDU-ja e tëra, vetë kryetari i ri i CDU-së thotë se Shqipëria është një histori suksesi në këtë fazë, patjetër ka shumë gjëra për të bërë në faza të tjera. Kjo është edhe për meritën e tyre që na kanë sfiduar me qëndrimet e tyre. Nuk kanë qenë qëndrime kundër Shqipërisë. Ata janë miq tëShqipërisë. Ata janënjerëz të dedikuar ndaj Ballkanit dhe janë njohës të mirë të rajonit kështu që ka qenë kënaqësi e madhe në fakt i gjithë takimi, dreka e punës që na ofruan dhe biseda e bërë. Shpresoj qësë shpejti do të vijnë në Ballkan e do të ndalojnë edhe në Tiranë.
– Kjo ditë përkon edhe me votimin në parlamentin europian. 519 vota pro Shqipërisë. Kjo ka ndodhur dhe më parë, por duke qenë se ju ndodheni në një nga kryeqendrat e europës në Berlin, si e lexoni ju këtë votim të sotëm për rrugëtimin e ardhshëm tonin?
Kryeministri: Kjo ka ndodhur dhe më parë, por si asnjëherë më parë me thënë të drejtën në adresimin e parlamentit nga deputetë të ndryshëm europianë, europarlamentar ka qenë pa asnjë rezervë dhe kjo është si të thuash fruti i një pune të madhe që kemi bërë.
Në ndërkohë që e kam diskutuar me të gjithë edhe faktin që ne kemi vendosur që do të ndryshojmë kurs, në momentin që me gjasë Këshilli Europian i qershorit nuk do të arrijë dot tëçajë murin e vendosur nga Bullgaria për Maqedoninë e Veriut. Deri atëherë ne do qëndrojmë në pozicionin që duhet, pra të hapen negociatat formalisht për të dyja. Në rast se edhe atëherë ne do të mbetemi peng i një situate që nuk ka lidhje fareme ne, nuk ka lidhje fare me punën tonë, nuk ka lidhej fare me asgjë që ka të bëjë me Shqipërinë, atëherë ne do ndryshojmë kurs e do kërkojmë me insistim që Shqipëria të trajtohet veç.
– Javë vendimtare këto në vijim për vendin tonë, nesër viziton Tiranën presidenti Michel. Pritet gjithashtu një vizitë e kancelarit Scholz në Tiranë. Të gjitha këto kanë të bëjnë me procesin e integrimit të Shqipërisë apo ka mesazhe të tjera?
Kryeministri Edi Rama: Nuk e di nëse kancelari Scholz do të vijë në Tiranë apo jo, sepse nuk kemi një njoftim zyrtar. Ai është shprehur që do të vizitojë rajonin, mua ma kishte thënë që do të vijë në rajon, por se ku do të qëndrojë mbetet për tu parë. Ndërkohë që po, presidenti Charles Michel do të vijë por nuk janë ditë vendimtare për Shqipërinë. Unë nuk shoh asgjë vendimtare në raport me këtë fakt, ky është një proces me të cilin ne tanimë jemi mësuar se si funksionon. Vendimtare për Shqipërinë është të vazhdojë reformat, vendimtare për Shqipërinë janë operacionet si ky i sotmi i SPAK-ut dhe Policisë së Shtetit që është në këndvështrimin tim dhe bazuar në gjithë diskutimet e bëra gjatë ditës së sotme në orët e lira me Tiranën, operacioni më domethënës e me rrezen më të gjerë në luftën kundër krimit të organizuar. Një operacion që meriton vërtetë fjalët më të mira të respektit e të inkurajimit për të gjithë ata që janë përshirë, që nga hetuesit e SPAK-ut e deri tek drejtuesit e Policisë së Shtetit dhe një mbështetje e fortë për të vazhduar deri në fund në këtë rrugë, një rrugë që tanimë është e qartë që është hapur për të gjithë partnerët ndërkombëtar të Shqipërisë, një rrugë që ka rritur respektin për Shqipërinë në skenën ndërkombëtare, një rrugë që po sjell hap pas hapi dhe frytet e dëshiruara në Shqipëri edhe pse sot shqiptarët janë edhe më kërkues se sa janë ndërkombëtarët sepse nuk kanë durim që të presin sepse kanë kaq vite që presin e presin e me shumë të drejtë kërkojnë më shumë.
Me ftese të Fondacionit gjerman Kober-Stiftung kryeministri dhe kryetari i grupit parlamentar socialist morën pjesë në një bashkëbisedim me parlamentarë të të gjitha forcave politike në Buntestag. Tema kryesore ishin e ardhmja Europiane e Shqipërisë, por dhe ndikimi i luftës në Ukrainë në rajonin e Ballkanit. Në Berlin, Rama u takua dhe drejtuesit e dy forcave kryesore politike gjermane, Rolf Mutzenich të SPD-së dhe Friendrich Merz të CDU-së.
22 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Takime te tilla na nderojne duke na dhen ndihmesa te medha
Shqipetare gjithmone jane kerkues per dicka pozitive
Bashkepunimet me vendet e huaja do te na sjellin suksese te njepasnjeshme dhe kjo do te ndodhe pa diskutim sepse kemi nje person te pergatitur si Rama qe eshte shume I afte per te krijuar e mbajtur marrdhenie te mira. Me Ramen ne krye po na hapen shume rruge me te ardhmen.
Shqiperia ka pesuar shume ndryshime dhe mendoj se duhet te hapen negociatat per antarsim ne Be
Shpresoj qe ky takim ti sherbej me se miri shtetit tone
Jam shum i lumtur qe me ne fund integrimi ne BE i shqiperise po analizohet si proces bashkpunimi e jo si dicka e vogel. Jam dakord te ndahemi nga maqedonia e veriut sepse integrimi n BE eshte i rendesishem per ne
Eshte mese me vend ndarja me Maqedonine nese behet pengese per zhvillimin e Shqiperise dhe per antarsimin tone ne BE. Gjithmone vendimet e duhura!
Kemi bere shum ndryshime dhe po ecim me ritme pozitive per integrimin ne Be fal punes se kryeministrit tone kemi shpresa se do ja dalim
Po por nuk mendon keshtu qeni i sulmit Enver Bytyci, i cili cdo dite nga gazeta Bota Sot e Kosoves, jashteqet kunder Rames e qeverise. Kuptohet se bashku me ca te tjere me biemra te cuditshem si Kraki, Ramabaja, Kapiti etj., etj.
Integrimi i shqiperise ne be duhet te ndodh sa me shpejt duke pare qe dhe ne i kemi plotesuar kushtet per te hapur negociatat keshtu qe ju lutemi liderave te be qe te fillojne procesin qe e meritojme !
ne cdo takim tuajin shikojme akoma me shume pune e projekte teper pozitive
Normalisht qe do jemi kerkues sepse kemi perparuar shume dhe kerkesat do jene me te larta
Ne keshtu kemi qene gjithmone kerkues pee gjera pozitive
Jemi kaq pran integrimit ne BE dhe kjo fal punes qe ju keni bere per ta cuar vendin para
Shqiptaret gjithmon kan qen kerkues pasi shqiperia eshte nje vend me nje potencial te pafundem
me vjen keq qe ne nuk e ndihmojm dot me maqedonin e veriut por shteti jon ka nevoj me shum te kujdeset per shqiperin zoti rama do na fus ne be dhe besoj qe sa me shpejt
Na keni cuar shume perpara z kryeminister dhe na keni bere me shume kerkues ????????
Integrimi i Shqiperise ne BE duhet te behet pasi e meritojme duke qene se kemi plotesuar kushtet dhe kemi investuar shume si vend
Shqiperia eshte zhvilluar aq shume kohet e fundit dhe eshte normale te kemi kerkesa pa fund. Kemi ringritur pas nje kohe shume te veshtire qe kemi kalur sepse nuk kishim nje qeveri te denje dhe kemi arritur nje nivel te larte dhe me te mire se disa shtete qe kane qene te ngritur e te suksesshem me kohe.
Fale takimeve te tilla eshte e sigurt se Shqiperia do te perfitoje lajme pozitive lidhur me anetaresimi e saj ne BE. Duhet pergezuar Rama per punen qe ka bere vazhdimisht per kete shtet dhe marredheniet qe ka mbajtur me vendet e tjera.
Kemi kerkesa sepse kemi arritur ne nje nivel qe duhet te na kene zili vendet e europes qe kane qene me te favorizuara se ne.Rama e ka kthyer Shqiperine ne nje vend te zhvilluar dhe do te behet akoma dhe me e zhvilluar ne te ardhmen me gjithe keto takime qe po realizoni.
Ej i paparë Ramsesi (do thoshte ai Çani i Zonës jo të lirë). Po qenka demagog në kuptimin e plotë negativ merr jahuuu ! Dhe deklaron sikur çfarë ka gjetur "Eureka". Sikur çfarë n'a tha Shqiptarët " më kërkues". Shqiptarët kanë 30 vjet që e kërkojnë Europën, Aq sa klasa politike ka abuzuar sa i ka desh trapi me këtë fakt. 30 vjet kur në fakt në realitet ata janë pengues se nuk duan, se nuk ju intereson për të bërë badërditë me vjedhje të pasurive publike, tjetërsimin e pasurive, dhe monopolizimin e kapjen e shtetit. Del ky demagogu tani dhe thotë: Shqiptarët janë më kërkues....! Kur tanimë të lodhur nga kjo kastë monopolistike politike. Shqiptarëve po ju zbehet dhe po ju bie besimi... Dhe fajtorë për këtë përveç Salehut, Nanos, Likes, Majkos është edhe shumë më tepër se këta të fundit vetë "i plotë fuqishmi" Edi... Deri dje me fajin e ka Saleh-u. Ndërsa sot s'ka më, kush e ka fajin. Por ai vetë me oligopolin e tij "Tutti fruti". Dhe n'a paraqet rezultatin e Gjermanisë sikur na tha ndonjë shpikje, Kur e di dhe më i fundit i Shqiptarëve që Gjermania pro është dhe nuk pengon. Por deri dje disa të tjerë pengojnë nga vendet e ulëta. Dhe ky "harron" Francën (mqs e ka "mik" Macron, se si e qysh, ky e di). Franca t'a tha para një jave o artist. Jo MK dhe AL hapje negociatash. Nuk është koha. Pa llogarritur propozimin për "kampinonatin me dy kategori". Ku nga këta të kategorisë së dytë asnjë dhe asnjëherë nuk hyn në të parën. Po tani kush do thuash e ka fajin o artist i demagogjisë 4-Dimensionale...?!