Te fundit
“Lëvizja e Ervin Salianjit ndezi zjarrin e munguar në PD”
3 Dhjetor 2025, 21:10Politika
TEMA
Analisti Agim Baçi ka deklaruar se lëvizja e fundit e Ervin Salianjit ka ndezur zjarrin që mungonte në Partinë Demokratike.
Baçi tha në emisionin “Tema e Ditës” në RTSH1 se sapo u pikas për fillimin e disa takimeve brenda radhëve të eksponentëve të Partisë Demokratike menjëherë nisën disa ndryshime në selinë blu nga ana e kryedemokratit Berisha.
“Në fillim tha që është i mirëpritur çdo demokrat që diskuton për Partinë Demokratike, pastaj tha unë kam takuar këdo që është votuar dhe në momentin që u lajmërua për fillimin e takimeve për disa ditë me radhë kishte ndryshime brenda Partisë Demokratike. U fol shpejt për debatet në bazë, Xhemal Gjunkshi u ftua dhe u bë këshilltar për Sigurinë Kombëtare i kryetarit të Partisë Demokratike”, tha Baçi.
Analisti shpjegoi më tej se lëvizjet e brendshme në Partinë Demokratike ishin të domosdoshme pasi nevojitej një rienergjizim përballë mazhorancës së Edi Ramës.
''Pra, nënkupton që lëvizja ishte e domosdoshme. E ndezi zjarrin dhe e ndezi atë që ishte me rëndësi. Po të shikojmë çfarë kishte nevojë grupi në thelb? Nevojën për rienergjizim e Partisë Demokratike përballë qeverisë që ka kaq shumë skandale. Nisur nga pjesëmarrja shumë e ulët e demokratëve në protestë, nisur nga mbështetja e pakët qytetare e Partisë Demokratike përpara Kryeministrisë, nisur nga një reagim shumë i dobët qytetar në lidhje me atë çka ndodh me situatën e fundit në qeveri”, theksoi Baçi ndërsa shtoi se ky moment shihet si një rindezje e shpresave të demokratëve.
“Të gjitha këto kishin një gjë në thelb, çfarë do të bëjë opozita, çfarë do të bëjë Partia Demokratike përballë kësaj qeverie, përballë kësaj situate për të rindezur shpresat e qytetarëve që mund të jetë një instrument në duart në qytetarëve që të bëjë rotacionin politik”, nënvizoi Baçi.
5 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Ska efekt si fraksion, duhet të formojë parti të re nese do të hyj në parlament.
ooo zjarrin e ndezi p... i grides or taj
Te bredhesh pas BABALES?????? A ka njeri me mens ne loke te ish PeDe-ja????? Parti Shpellaresh
Asgje e re nuk po ndodh me PD-ne!!! Film i pare disa here ky i fundit!!! Levizje per t'u pershendetur dhe per t'u mbeshtetur do jete ajo levizje qe do permbushe dy detyra. Te beje diagnozen e sakte dhe te plote te semundjes prej te ciles vuan PD dhe te vizatoje sakte dhe ne menyre bindese rrugen nga e cila duhet kaluar per t'i nxjerre shqiptaret nga kjo gjendje e rende, depresive, e pa shprese ku ndodhen! Te shpalosin projektin e qarte dhe bindes te Shqiperise se neserme! Retorika e deritanishme, e sterkonsumuar, fol shume per te mos thene asgje vetem sa i vjen rrotull problemit dhe nuk shkon te zgjidhja!
@Alfred, ke bërë koment me këmbë në tokë! Thjesht dhe qartë. Së pari duhet 'diagnoza' dhe pastaj 'ilaçi' që nëse ka shpresa për shërim, të sëmurën PD, që e ka vënë poshtë virusi i rrezikshëm "berishizëm", do ta nxjerrë atë nga koma aktuale (vdekja klinike). Është proces, por deri minimumi në 2027 (zgjedhjet vendore) dhe maksimumi në 2027 tek ato parlametare, ka kohë mjaftueshëm për t'u bërë një lojtar i denjë në betejën me kundërshtarin politik në pushtet.