Te fundit
Mesazhet e Ramës për zyrtarët e korruptuar, Paskal Milo: Mund të ndodhemi para një arrestimi tjetër…
8 Maj 2024, 09:17Politika
TEMA
Ish-ministri i Jashtëm Paskal Milo, mesazhet e kryeministrit Edi Rama në mbledhjen e djeshme me kabinetin qeverisës dhe grupin parlamentar socialist, për zyrtarët e korruptuar, i cilësoi si parapritë për ndonjë arrestim tjetër të bujshëm në radhët e eksponentëve socialistë.
Nga studio e lajmeve të MCN TV, ai deklaroi se mesazhet e kreut të qeverisë nuk janë të reja, pasi janë përsëritur herë pas here qëndrime të tilla lidhur me luftën kundër korrupsionit, por edhe në radhët e Partisë Socialiste.
Sipas tij, dje u artikuluan me një theks më të veçantë, por nuk sheh ndonjë risi ose fenomen që nuk është identifikuar më parë dhe se tema qendrore ishte lufta kundër korrupsionit e cila është marrë dhe rimarrë disa herë nga Edi Rama.
“Tema është rimarrë sidomos gjatë muajve të fundit kur eksponentë të veçantë socialistë janë paraqitur para drejtësisë për të dhënë llogari për veprimtaritë e tyre korruptive.
Nuk kemi ndonjë element të ri që të sillte deklarata kaq të forta.
Është një fjalim i mirëmenduar për tu thënë sot, por që vjen si rrjedhojë e akumulimit të një numri akuzash që janë bërë ndaj eksponentëve të veçantë të Partisë Socialiste dhe qeverisë.
Ka gjetur momentin tani për ti artikuluar më me forcë, pasi mund të ndodhemi para ndonjë arrestimi tjetër të ndonjë eksponenti të PS, mund të ndodhemi përpara ndonjë shpërthimi tjetër korruptiv të qeverisë socialiste.
Kryeministri Rama patjetër që ka informacione të klasifikuara, se për shkak të detyrës informohet për informacione sekrete.
Është i pari mes të gjithëve në piramidën qeveritare që ka të drejtën të njihet, jam i sigurt që ka informacione të klasifikuara që i jepen nga shërbimet sekrete dhe agjencitë qeveritare që kanë për detyrë të luftojnë korrupsionin.
Është ende herët për të parë se cilin do ketë në fokus SPAK në radhën e qeverisë, apo eksponentë të Partisë Socialiste.
Nuk e përjashtoj mundësinë që mund të ketë dhe mendoj se do ketë, por se cili emër i përveçëm do jetë para togave të drejtësisë, e kam të vështirë se nuk dua të paragjykoj”, deklaroi Milo.
14 Komente
Lini një Përgjigje
Më të lexuarat
24 oret e fundit
Javen e fundit
Blog Tema
..mos është "shitësi i vogël i fiqve"?!
Thua ?? Une them 7 % shi ...ai eshte bere bishe ...ka humbur dhe llogjiken , gjithmone ai qe shan e akuzon ndjen rezikun ...
Dihen tashme o Paskuale . Beqaj po pergatitet te prek prangat . Do jete peshku i madh malsor qe bie ne rrjetat e SPAKut .
Paskal, mos e kruaj, e di vete ti se po te kontrolluan pasurine del pak pis.
Radhën e ka LIKE/FLORIRI
Paskali paska nderruar profesionin e nderuar te historianit me fantazite e fallxhoreve.
U ka bo si Tak Njala
Ledina shprehet sakte ! Duhet te jesh shume (me falni) Gomar te mos jesh i sigurte qe nje ose disa,politikane te larte i pret burgu ! Rruga e Dibres
Po nuk e di qe dhe ky e ka ne rreze te veshit, ku i gjeti ky pasurit qe ka
Të gjithë të korruptuarit, hajnat, spiunet , kriminelet etj. po akuzojnë të tjerët që janë të pastër dhe dinitoz duke filluar nga Enveri e deri Bajrami për të fsheh veten.
presim , ju lutem sa me shume politikane ne burg
Paskal, o xhan, ke qënë dhe ministër i jashtëm, je nga krahina e Himarës, por nuk pamë të thoshe një fjalë për qëndrimin grek ndaj çështjes Bejleri. Tani të qënka ngjallur instikti për të analizuar fjalimet e udhëheqësit, si në atë kohë, ndaj paske marrë penën dhe shpalos mendimet e tua kurdoherë "ndriçuese" për popullin e thjeshtë. Si nuk na u ndatë ju spiunët e rrjetit personal të Enverit edhe sot pas 35 vjetësh, mor aman?!!!!!
Pas Kali ka vallëzuar, për më shumë se 30 vjet, në politikën shqiptare !
Sa te paguan Asfalia Greke ?