Te fundit
Ministri Gogu për protestën e opozitës: “Kilometri i fundit” i Shqipërisë drejt BE-së nuk bëhet me molotov, fishekzjarre, e dhunë, por me punë!
10 Shkurt 2026, 20:10Politika
TEMA
Ministri i Shtetit për Marrëdhëniet me Parlamentin, Toni Gogu reagoi për protestën e opozitës ku u hodhën koktej molotovë drejt godinës së qeverisë, duke theksuar se rruga e Shqipërisë drejt Bashkimit Europian nuk ndërtohet përmes dhunës dhe spektaklit politik.
Në një mesazh në rrjete sociale, ministri Gogu kritikoi opozitën për retorikën mbi “kilometrin e fundit”, duke e akuzuar se po largohet nga fryma e protestës qytetare dhe paqësore.
“Opozita bërtet për “kilometrin e fundit”. Dhe pastaj e shndërron protestën në skenë dhune: molotovë, fishekzjarre, tym si të ishte kjo “rruga” përpara. Tërhiqen zvarrë nga ustallarët e dhunës, dhe largohen gjithmonë e më shumë nga protesta qytetare dhe paqësore.” u shpreh ai.
Sipas ministrit, integrimi europian kërkon përkushtim të përditshëm nga qytetarët dhe institucionet, jo përplasje.
“Ndërsa “kilometri i fundit” i Shqipërisë drejt BE-së nuk bëhet me megafon, molotovë e spektakël.Përshkohet nga fermeri që respekton normat, nga punëtori që punon ditë e natë, nga mësuesi që formon qytetarë, nga infermieri dhe mjeku që mbajnë sistemin gjallë, nga nëpunësi që zbaton ligjin. Ata le të shpallin “fitoren” e radhës për kamerat. Shqipëria le të ecë përpara me mund, me djersë dhe me rezultate—deri te mbyllja e kapitujve.” deklaroi Gogu.
Ai shtoi se ndërsa opozita mund të shpallë “fitore”, vendi duhet të vijojë përpara përmes punës dhe përpjekjeve konkrete.
“‘Kilometri i fundit’ nuk është spektakël. Është punë. Dhe destinacioni quhet Europë,” përfundoi ministri.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mos u tallni me nje te semure psiqik ka vite qe kurrohet si Sociopath ilaçet bejne te vehten . Bufiiii ilaçet po jo me doze te larte se fillone gallate si Révolte Paqesore haaaaaa Tikuuuuuuuu eshte 4 cm large ndersa Bufi kenetes 5.2 cm large eshte nje derby vertete
Tope Gogu - pedofili qenka gjalle !!
sa njeri punetor ky Toni
Po kush tha qe Bisha-Berisha me oborr e horra do qe Shqiperia te hyje ne BE?? Ai prandaj hedh molotove qe te mos hyhet ne BE, apo qe ta shpalle edhe BE non grata??
O goku si shkohet be BE duke bllokuar SPK-un dhe duke sulmuar gjykatat dhe prokurorët? Apo gjyqet i Beni vet si dikur partia që i ndryshuat emrin ne 91-in
Në protestë po plagosen policët, kush i plagos ato, sa të tillë kanë rënë në krye të detyrës, sa pak kushton jeta e shqipëtarëve dhe me gjakun e tyre e kanë vënë pasurinë përbindëshat politikanë dhe oligarkët madhështorë.