Te fundit
“Ndërhyrje me masë të përkohshme në akcizën e naftës”/ Çmimi i karburantit në treg, Rama: Nuk janë evidentuar raste të abuzimit (VIDEO)
22 Mars 2026, 10:07Politika
TEMA
Në episodin e radhës të podcast-it “Flasim”, Kryeministri Edi Rama u ndal te rritja e çmimit të karburantit në treg.
Ai u shpreh se ka nisur një ndërhyrje me masë të përkohshme në akcizën e naftës, duke i bërë asaj ulje me 20%, teksa shton se është ngritur një task-forcë në Ministrinë e Ekonomisë dhe Financave për të rritur kontrollet e abuzimit.
Fjala e Ramës:
Kemi folur për këtë gjatë ditëve të fundit. Është një temë që kërkon vëmendje dhe ka vëmendjen tonë të vazhdueshme, orë pas ore dhe siç e kemi thënë, kemi ndërmarrë hapa konkretë, është ngritur një taskforcë në Ministrinë e Ekonomisë dhe atë të Financave me qëllim që të rritet kontrolli dhe të evidentohet çdo lloj abuzimi i mundshëm në treg.
Nuk janë vënë re abuzime, monitorimi vazhdon, dhe duke qenë se çmimi ka pasur një tjetër kërcim, është marrë vendimi që të hyjmë në regjimin e bordit të transparencës, i cili do të sigurohet se nuk do të ketë përfitues apo profiterë, siç i thonë në anën tjetër të bjeshkëve, që do të duan të shfrytëzojnë krizën për të futur më shumë para në xhep.
Në të njëjtën kohë është marrë edhe një vendim tjetër për të ndërhyrë me një masë të përkohshme, gjë që po e bëjnë edhe vende tjera në akcizën e naftës, duke i bërë asaj një ulje me rreth 20%, në mënyrë që të lehtësohet, si të thuash, disi barra mbi përdoruesit e automjeteve.
Por ndërkohë, dua ta them shumë, shumë qartë, që në fund të ditës, ajo që ne na intereson e para është që të mbrojmë pensionistët, që do të thotë se në këtë rast, niveli i rritur i përfitimit që do të vijë në arkën e shtetit nga rritja e çmimit, cilidoqoftë ai, pas uljes që iu bë akcizës, do të shkojë vetëm për të mbrojtur pensionistët, vetëm për të mbështetur pensionistët.
Në të njëjtën kohë, ne po ecim me shpejtësi nga njëra anë për projektligjin për rezervat strategjike, i cili ndodhet në konsultim publik. Është një proces i nisur përpara se të fillonte kjo krizë e re, që lidhet me humbjen e baraspeshës së botës në rang global, gjë e cila po provokon kriza pas krizash.
Dhe nga ana tjetër, paralelisht, ne po përgatitemi që të fusim në treg një faktor publik, një forcë të re, e cila do të ketë barrën, që së bashku me një sërë masash tjera të bëjë një ndërhyrje domethënëse në vendosjen, jo vetëm të një ekuilibri në aspektin të çmimit në tregun e naftës, por edhe të një niveli krejt të ri për sa i përket transparencës së atij tregu, për sa i përket lëvizjeve të naftës në Republikën e Shqipërisë dhe për sa i përket edhe një fenomeni ende të pashterur në këtë aspekt, që është evazioni dhe kontrabanda e naftës, duke përfituar edhe nga regjimi tranzit dhe duke bërë marifete të cilave ju ka ardhur fundi.
Ne do të ndërhyjmë dhe besojmë shumë që në një periudhë, jo shumë të largët, do të tregojmë me fakte, që ndërhyrja ka qenë një ndërhyrje në të mirë të shoqërisë, në të mirë të përdoruesve të automjeteve të konsumatorëve të naftës, po mbi të gjitha, në të mirë të të gjithë atyre që nuk ndotin dhe nuk ia kanë për borxh atyre që ndotin, duke ngarë makina me naftë që në ndërkohë të paguajnë një pasojë, të cilës ne duam t’i japim fund.
13 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Eshte pak per kete milet.Bjeri o zullap me fort se keshtu e meritojme.
Deri per zgjedhje lokale do ta ngre cmimin e karburantit..per zgjedhje do ta ul pak qe delet te fluturojne me presh ne bythe..hajt'pra nonën në gop gjithë shqiptareve.
Naften dhe benxinen ta shet privati . Shteti kontrollon qe çmimi mos të jetë spekullativ. Ndërkohë po digjet flakë e bomba gjithë lindja e mesme. Po s’ke këllqe të blesh naftë futja me biçikletë
Cfare merr me shume nga taksat duhet ta rishperndash per shtresat ne nevoje. Ato leke qarkullojne shoejt ne ekonomi sepse perdoren re gjitha per ushqime ilace etj. 1 lek I shpenzuar shton 2 leke ne ekonomi. Mos i jep para nga buxheti air albanias qe eshte kompani private e pa te ardhme.Behu nje here ne jete social. Blloko fondet per oligarket qe parate I investojne jashte.
Idjot ska abusive thot
Mjafton te lejosh importues te tjere te futen ne treg dhe do shofesh cmimet reale . Ke vetem 1 impotues, rast unikal. Mos blloko shqiperine qe e ke kthy ne kaos total
Komplet i ç'ekuilibruar
Zagaret ham e Rama bam, keshtu do vazhdoi kjo pune sa te jene trushplaret e Salikadavres neper blogje.
PPSL!
E kam then un ti jeton komplet bot tjeter
Pergjysmo taksen e qarkullimit dhe akcizen per aq kohe sa zgjat kriza.
Jetoni ketu z Kryeminister? Nafta u rrit qe diten e dyte. Mos flisni kot! Po humbisni besimin ne popull. Vete nuk blini ,dergoni deputet ta shikojne tabelen ndryshimin!
Nga 191leke ne 217 ,nuk u duket rrtje?