Te fundit
Opozita me kandidatë nga shoqëria civile për zgjedhjet lokale, Sula: Lidershipi i PD po bojkoton zgjedhjet
4 Tetor 2025, 18:24Politika
TEMA
Ish-deputeti i PD-së Dashnor Sula, ka reaguar pasi kryedemokrati Sali Berisha njoftoi se kandidatët e opozitës për zgjedhjet e pjesshme lokale të 9 Nëntorit, nuk do të jenë nga Partia Demokratik, por nga shoqëria civile.
Sula shkruan se lidershipi i PD po bojkoton zgjedhjet.
“Në Partinë Demomratike, drejtuesit duhet të ishin në siklet se kë të zgjidhnin mes emrave nga radhët e veta dhe jo të shpallin thirrje publike ofrojmë vend pune kandidat për Bashkinë e Tiranës”, shkruan Sula.
Lidershipi i PD po bojkoton zgjedhjet!
Kryesia e Partisë Demokratike paska marrë vendim që në 6 bashkitë ku do të mbahen zgjedhjet e pjesshme më 9 Nëntor, të mos garojnë me një emër që vjen nga radhët e Partisë Demokratike por nga shoqëria civile.
De fakto, ky vendim përkthehet: Partia Demokratike po i bojkoton zgjedhjet.
Unë jam nga ata që mbroj tezën që Partia Demokratike duhet të hapet për figura të reja. Kujdes, Partia Demokratike po them.
Të marrësh një figurë nga çdo kategori e shoqërisë dhe ta vendosësh në garën për bashkinë më te madhe dhe më të rëndësishme të vendit është djallëzore.
1- Me një kandidaturë jashtë radhëve të PD nuk të angazhohet asnjë strukturë e partisë në fushatë dhe praktikisht e humbe garën në tavolinë.
2- Me një kandidaturë jashtë radhëve të PD por nga shoqëria civile, me humbjen e garantuar lidershipi i PD po përgatit argumentin e paszgjedhjeve për të mbajtur statuskuone. ( E shikoni që nuk është problemi te Drejtuesit e PD. Edhe kandidatura nga shoqëria civile edhe të bashkuar nuk e mundim dot regjimin). Ndaj edhe pas 9 Nëntorit lidershipi nuk duhet të ndryshojë!
3-Me një kandidaturë jo nga radhët e PD, por nga shoqëria civile e propozuar nga ndonjë nga partitë e reja, defakto Partia Demokratike e humbet edhe trofeun e partisë kryesore në Opozitë. Parti kryesore e opozitës bëhet ajo që propozon kandidatin.
4-Nëse unë gaboj me tri të parat, atëherë ka diçka edhe më pesimiste: Partia Demokratike që dikur ishte frymëzim dhe me resurse njerëzore të pashterëshme tashmë nuk gjen dot një kandidaturë serioze nga radhët e veta që të mos dalë me një rezultat qesharak.
Në Partinë Demomratike, drejtuesit duhet të ishin në siklet se kë të zgjedhnin mes emrave nga radhët e veta dhe jo të shpallin thirrje publike ofrojme vend pune kandidat për Bashkinë e Tiranës.
Për të mos ardhur kjo gjende kam folur dhe flas çdo ditë. Por ajo parti e ka humbur kontaktin me anëtarët, me qytetarët dhe me realitetin.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
O te dhjefdha m’u ne palti! Paltia e Sali halese! Ypps!
Une nuk kuptoj se si nje parti,del dhe therret kush do te kandidoje per kryetar.Poshteruese si per partine,si per njerzit qe mund te pranojne thirjen per te kandiduar,duhet te jesh idiot qe te pranosh.Nga partia,kupola,nuk del asnje kandidat.As Vokshi,Muli,Gazi,Sala,Alimehmeti,Tabaku, as njeri,dhe keto pellasin gjithe diten rregjimi,krimi,leshi preshi,por....,ne nuk pranojme te konkurojme,te votohemi,se nuk fitojme kurre. P.s. Analiza e gjelit te Peqinit,eshte shume e sakte.Nuk e kuptoj se si gazetaret,media etj,pas kesaj deklarate te Pd,do ta quajn parti opozitare Pd,ajo duhet te abandonohet dhe ta emertojne Partia SB
po Vokshi sygerdoqja me 12 funksione te foltorja e vicidolit pse nuk del kandidate apo pastaj nuk ka se kush te prese tek dera e kuvendit dhe ta shoqeroje per krahu vampirin e vicidolit me 27akuza akuza mbi kurriz dhe me 2 nongrata nga dy fuqite me te medha te botes.