Te fundit
Padia e PS për dhunën në Kuvend, SPAK nis hetimet, urdhëron sekuestrimin e pamjeve filmike
1 Nëntor 2023, 16:45Politika
TEMA
Pas kallëzimit të Partisë Socialiste për dhunën e ushtruar në Parlament, ku deputeti i Partisë Demokratike Bledion Nallbati qëlloi me grusht deputetin socialist, Vullnet Sinaj SPAK ka përzgjedhur përmes shortit prokurorin Elvin Gokaj.
Mësohet se ky i fundit, ka urdhëruar sekuestrimin e pamjeve filmike dhe kopje të akt ekspertimeve në rast se janë dëmtuar ose jo deputetët.
Partia Socialiste ka kallëzuar penalisht deputetin demokrat Bledion Nallbati i cili në seancën e shkuar plenare goditi me grusht deputetin e partisë socialiste Vullnet Sina.
Padia penale është firmosur nga kreu i grupit socialist Bledi Çuçi i cili kërkon që ndaj Nallbatit të nisë hetimi për veprën penale “Goditje për shkak të detyrës”.
Përmes një postimi në rrjetet sociale Çuçi ka bërë të qartë qëndrimin e mazhorancës se nuk do të tolerojnë asnjë akt dhune në parlament.
Nga ana tjetër edhe Rithemelimi ka paditur deputetin socialist Vullnet Sina. Ky i fundit gjithashtu akuzohet për veprën penale “Goditje për shkak të detyrës”.
Sipas nenit 237 të kodit penal, goditjet për shkak të detyrës dënohen me gjobë ose me burgim deri në 3 vjet.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Po c'tu desh mo merhum ,Berrisha te perdore si kamikaz shko beje burgun o klluf .
Bravo SPAK dhe Qiverria! ! Kjo është detyra kryesore e SPAK, të zgjidh sherreshamatat në Kopshtin e Ndrikull Nukhollës. Se kush do merret me dosjen e Berishës, Shkëlzenit, Argitës, Ilirit, nuk e dim....nuk na hyn në punë..... .... ... E rëndësishme është që ta zëmë SPAK me këto idiotësira që ai/ata të mos Kohë fizike të merret me veprat madhore Në Korrupsion dhe krim të organizuar. Ti hapin punë SPAK, si me OFL-në, se ndryshe mbrriti shpejt edhe tek Skënderbeu.... edhe tek drejtoresha mamicë e Doganave....edhe tek....