Te fundit
Përse nuk “ngjisin” deputetët e Rithemelimit?
27 Dhjetor 2023, 10:16Politika
TEMA
“Rithemelimi” pikën më të fortë dhe njëkohësisht më të dobët ka Sali Berishën.
Rënia e tij do të thotë shkërmoqje e “Rithemelimit” dhe bërja e saj kasht e koqe.
Ndërsa për Berishën është folur shumë, vlen të merren në analizë deputetët e kësaj lëvizjeje, të cilët në masë të madhe herë shfaqen si figura komike, herë si tragjike, por asnjëherë pa i humbur nuancat e qesharakes.
Ekstremiteti i qëndrimeve të tyre, të kujton poezinë satirike të Gjergj Fishtës, “Metamorphosis”, që i kritikonte qëndrimet akrobatike të shqiptarëve, të cilat ndryshonin mëngjes e mbrëmje, duke mos pasur asnjëherë të njëjtin qëndrim.
Kjo gjë i ka ndodhur dhe shumicës së deputetëve të Rithemelimit, që i janë bashkëngjitur Sali Berishës.
Ata kanë shkuar nga ekstrimi në ekstrem, duke shkelur mbi veten, mbi arsyen, mbi logjikën, duke e humbur fytyrën e tyre dhe duke u bërë të pabesueshëm në popull.
Të gjithën e bëjnë për një karrige deputeti në zgjedhjet e ardhshme.
Një prej tyre është i famshmi Ferdinand Xhaferri, ai që dikur do rregullonte cilësinë e diellit.
Mirëpo, tani ka hequr dorë nga cilësia e diellit, dhe është përqëndruar te cilësia e opozitës nga Hëna.
“Na duhet Berisha që edhe në “Hënë” të jetë, të bëjë opozitë.” – u shpreh mbrëmë në një debat televiziv Xhaferraj.
Nëse Xhaferraj dhe të tjerë do kishin koherencë në qëndrimet e tyre, ata do ishin në të drejtën e vet për të mbajtur çdolloj qëndrimi.
Por ajo që i bën të pabesueshëm, qesharak dhe të pamoralshëm politik, është shndërrimi dhe akrobacia në qëndrime.
Është i njëjti deputet që vetëm pak kohë më parë shprehej se: “Foltorja e ‘Non Gratës” bëhet për llogari personale, nuk ka cilësi fare”.
Kë të besojnë demokratët: Ferdinandin e opozitës së Hënës apo atë të Diellit dhe të Non Gratës?
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Xhaferi i cilesise se diellit e paska humbur si Xhaferi simiten,bir selmani nenes ke te qaj me pare , nje e kam vella nje kusheri te pare. Hajde Xhafero hajde dege me dege a trim me flete.
Ne fillimet e demokracisë u be i pari i Durrësit,dhe betoheshin tregtaret qe kur shkarkohej vaporri me materiale ndërtimi duhet te paguanin 1 te asaj kohe per çdo kg te mallit qe shkarkohej gjasme per te ndihmuar PD.Ky eshte nismetari i pare i shkaterrimin te hekurudhave shqiptare dhe vazhdon te jete deputet