Te fundit
Precedenti Benet Beci, si lakmus për sondazhet politike
25 Prill 2024, 19:30Politika
TEMA
Nga Ylli Pata
Sondazhet që kur janë krijuar si një zhvillim i rëndësishëm në politikën botërore, janë kthyer në një instrument të rëndësishëm. Që mat mbi të gjitha temperaturën e perceptimit të përgjithshëm të popullsisë, duke përdorur kampionë statistikor, sipas një metode shkencore tashmë të konsoliduar.
Edhe në Shqipëri, kemi vite tashmë që sondazhet janë kthyer në një instrument që vlejnë për të analizuar në vija të trasha trendin e elektoratit. Megjithatë herë pas sondazhet përpara apo ditën e zgjedhjeve kanë krijuar konfuzion, pikërisht sepse nuk ja kishin qëlluar një leximi, që nuk është aq i thjeshtë aq sa duket.
Siç po del edhe sondazhi mujor në lidhje me perceptimin politik të ndarjes së preferencës mes forcave të opozitës.
Siç u bë e ditur nga sondazhi i përgatitur nga Zaloshnja në Report TV, Foltorja e Berishës ka një preferencë më të madhe sesa PD e Bashës, e cila është në kuota mjaft të ulëta, as 3 përqind.
E vërtetë? Kjo shifër nuk rezonon as rezultatin që PD ka marrë në zgjedhjet lokale te 14 majit 2023, ku arriti mbi 100 mijë vota në rang kombëtar, edhe pse u ndalua nga ish-numri dy Gaz Bardhi për të hyrë me kandidatë për kryetarë bashkie në shumicën e njësive.
Duke u nisur nga ky fakt, pra mos leximi i perceptimit të votave që mund të ketë PD-ja e Bashës në raport me votat e 14 majit, shtyn tek një qasje pak më ndryshe.
Qasje, e cila mund të ketë si analogji pikërisht zgjedhjet e 14 majit 2023. Kur thuajse të gjithë sondazhet e zhvilluara përpara zgjedhjeve, nuk e lexonin fitoren e qartë të Benet Becit.
Ndërkohë që kryebashkiaku aktual i Shkodrës dhe stafi i tij, kishin një sondazh më të thelluar që i jepte indicjen e një fitoreje, sondazhet e tjera linearë jo. Madje kishte disa prej të cilëve që e lexonin perceptimin publik si fitore e padyshimtë e Bardh Spahisë, kandidatin e foltores për kryetar bashkie në Shkodër.
Në fund, Benet Beci korri një fitore që ishte as e minutës së fundit, as e ngushtë fare. Ishte kapilare nga çdo qendër votimi në thuajse gjithë territorin e bashkisë në Shkodër. Po përse nuk e lexuan këtë rezultat sondazhet lineare?
Ka shumë pikëpyetje, por ajo që vjen si e dhënë nga territory, është se mjaft nga qytetarët që votuan Benet Becin ishin votues të PD-së ndër vite. Votë, e cila nuk ishte një qëndrim politik për PS-në, por një verdict me dy gishta, ku njëri ishte anti e tjetri pro.
Anti koalicionit të Sali Berishës dhe Ilir Metës dhe pro një kandidati, i cili paraqiti një ide, program alternativ dhe një narracion krejt ndryshe për Shkodrën.
Sipas të gjitha gjasave, Benet Beci ka marrë një uragan votash të djathta. Të cilat, nuk dolën e nuk kanë dalë më pas në sondazhe. Sepse jemi në një situatë kaotike në qerthullin opozitar.
Ndërsa logjika e perceptimit pro foltores është më shumë një indicie që vjen nga lart, nga televizionet, emisionet, rrjeti e gjëra të tilla, të cilat përkthyer në një ekuacion më specific brenda opozitës, nuk se kthehet. Siç nuk u kthye në Shkodër, Tropojë, apo edhe Kukës.
Megjithatë ky “shpirt” i një qëndrimi politik që realisht jo vetëm që ekziston por është i fortë, duhet organizuar. Deri më sot, kjo pjesë e elektoratit nuk kanë vendosur që të votojnë për kë. Ndaj janë rrështuar në 34 përqindëshin e atyre që nuk do të votojnë. Por ka një qasje të qartë; ata nuk votojnë për Sali Berishën dhe Ilir Metën.
Por për kë do të jenë të gatshëm të japin votën siç bënë më 14 maj 2023? Në një profil të ri siç ndodhi me Benet Becin! E këto nuk janë elektorat gri, por një arqipelag votash i pastër i së djathtës. i gatshëm për tu hedhur në aksion, nëse PD e Lulzim Bashës del me emra dhe mbiemra, e natyrisht me ide të qarta, por shpejt.
Ndryshe nuk është çudi që të votojnë edhe për PS, apo ku i dihet ndonjë propozimi të ri që del rrugës, por kurrë dyshen e vjetër.
E ka treguar 14 maji! Mjafton të lexosh atë votë për të parë se çfarë ndodhi, e thuajse i gjithë ky komunitet është një fuqi politike e nivelit të lartë që kërkon ndryshim real, e nuk pranon të mbahet peng e gënjehet.
9 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Qe foltorja del me e preferuar tregon qe ne vendin tone ka shume shpellare dhe ky eshte nje realitet qe sigurisht eshte fatekeqesi.
Pata. Po partiçkën e Metës me 2,5%, sipas të njëjtit sondazh, pse nuk e përmende?
Shkodra e tere Fshaterat pereth dhe Qyteti as nuk i bie ndermend te Votojne ndonjehere as PD dhe as Partite e tjera qe me vonese e gjitha Shkodra eshte zgjuar nga gjumi i manipulimeve dhe vjedhjeve vrasjeve qe kane sjedhe Partite e Spiunave dhe e krimineleve... Kudo ne Shkoder mesecilin qofte Fshatare qofte Qytetare qe bisedon......kane nje urretje te madhe per Partite e tjera.....sidomos per PD......Parti Kriminele Parti hajdutash Parti Spiunash....po ashtu dhe Partite e tjera... Partise PS i lumnte qe fiton dhe do te fitoje gjithmone se fundja kane punuar per te gjithe Shqiptaret......me ato mundesi qe kane patur...normal em minuset e veta...qe kane patur dhe keta Hajdute apo Kriminele...por i kane Eleminuar...
Ku jeton ti o patronazhist apo ne TEG se nga Shkodra nuk je se perndrysh do kisje kuptu se ai qytet nuk i duron dot komunistat, neokomunistat dhe islamikt si puna jote. Shkodren Benet kuçka e fitoi me krim dhe lek. Donjanshohe hajrin pa merak
Shkodra e tere Fshaterat pereth dhe Qyteti as nuk i bie ndermend te Votojne ndonjehere as PD dhe as Partite e tjera qe me vonese e gjitha Shkodra eshte zgjuar nga gjumi i manipulimeve dhe vjedhjeve vrasjeve qe kane sjedhe Partite e Spiunave dhe e krimineleve... Kudo ne Shkoder mesecilin qofte Fshatare qofte Qytetare qe bisedon......kane nje urretje te madhe per Partite e tjera.....sidomos per PD......Parti Kriminele Parti hajdutash Parti Spiunash....po ashtu dhe Partite e tjera... Partise PS i lumnte qe fiton dhe do te fitoje gjithmone se fundja kane punuar per te gjithe Shqiptaret......me ato mundesi qe kane patur...normal em minuset e veta...qe kane patur dhe keta Hajdute apo Kriminele...por i kane Eleminuar...
Shkodra e tere Fshaterat pereth dhe Qyteti as nuk i bie ndermend te Votojne ndonjehere as PD dhe as Partite e tjera qe me vonese e gjitha Shkodra eshte zgjuar nga gjumi i manipulimeve dhe vjedhjeve vrasjeve qe kane sjedhe Partite e Spiunave dhe e krimineleve... Kudo ne Shkoder mesecilin qofte Fshatare qofte Qytetare qe bisedon......kane nje urretje te madhe per Partite e tjera.....sidomos per PD......Parti Kriminele Parti hajdutash Parti Spiunash....po ashtu dhe Partite e tjera... Partise PS i lumnte qe fiton dhe do te fitoje gjithmone se fundja kane punuar per te gjithe Shqiptaret......me ato mundesi qe kane patur...normal em minuset e veta...qe kane patur dhe keta Hajdute apo Kriminele...por i kane Eleminuar...
E vertete eshte qe te gjithe e votuan !!! Edhe BAJRAT nga burgu !!!
Ylli je budalla apo ben vete?! E dine te gjithe qe Beci ka marre bekimin e baces se ciles i ka ndenjur afer per 35 vjet, Sali Berishes. Po ashtu edhe te mediave qe kane hequr nga rrjeti sulmet per afera korruptive perfshi dhe ato te Meros. Jo sondazhe lineare, jo vertikale e jo kapilare. Ka bere gati ndonje “Benet” tjeter Saliu keshtu?!
Vetëm sondazhi i transmetuar në emisionin e Gridës e ka nxjerrë fitues Benet Becin me pak më shumë se 2%