Pse shkoi Bardhi te Doktori: Arsyet dhe pasojat e një lëvizje bosh

Nga Ylli Pata

Takimi i sotëm i 43 deputetëve të opozitës, që prej dy vjetësh janë grirë, sulmuar, e më pas bashkuar, në një çanak politik së bashku me Sali Berishën, ishte imponent.

Numri është një tregues i rëndësishëm që tregon një raport forcash në pjesën e rëndësishme politike të vendit si është opozita.

Pra lajmi është takimi. Ku janë mbledhur së bashku për herë të parë pas luftës civile; Sali Berisha dhe Foltorja, deputetët e PD-së që janë kundër Lulzim Bashës dhe janë larguar nga PD, si dhe krerët e partive aleate: Fatmir Mediu, Dashamir Shehi, Agron Duka dhe Vangjel Dule.

Gjatë takimit, pati fjalë të përgjithshme për të koordinuar punët në opozitë, por asnjë gjë konkrete se çfarë do të bëhet politikisht me këtë grup të madh.

As Sali Berisha, por as Gazmend Bardhi me deputetët që kundërshtojnë Lulzim Bashën, nuk mund të regjistrohen në asnjë grup politik në Kuvend. Nëse do ta kishin bërë, do të duhej, përpara se të niste sesioni që filloi të hënën.

Tani, veprimet proceduriale për regjistrimet e grupeve, nëse ata ndryshojnë, do të duhet të kryhen në muajin janar. Pra pas pushimeve dimërore.

Pra, me fjalë të tjera, ajo që ndodhi sot, është një instrument politik i një beteje politike kundër Lulzim Bashës që do të kryhet deri në fund të dhjetorit.

Gjasat janë që synimet e Bardhit dhe deputetëve të tjerë, është që të dobësojnë Lulzim Bashën, rrisin aksionin e tyre “më katolik se Papa” kundër Ramës dhe krijimin e kushteve që PD të rinegocojë pozicionin e atyre që mbështetësit e Bashës i konsiderojnë si “renegatë”.

Pas mbarimit të takimit të sotëm, kemi pasur tre qëndrime të ndryshme nga palët. Agron Gjekmarkaj, ka deklaruar se afrimi i tij në grupin e të gjithë deputtëve që nuk e duan Bashën kryetar, është ai i njohuri, pra pa Bashën e Berishën në krye të opozitës.

Është Gazmend Bardhi, i cili ka vijuar përplasjen e fortë me Lulzim Bashën, duke ju përgjigjur ultimatumit të tij, me logjikën, se është ai që ka në dorë deputetët në Kuvend, edhe pse nuk është kryetar grupi zyrtarisht.

Ndërkohë, është edhe qëndrimi i Sali Berishës, i cili në mënyrë më të qartë se të gjithë e shikon bashkimin e 43 deputetëve si një afrim drejt foltores, në funksion të 622 mijë votave siç e tha vegtë doktori por edhe zëdhënësi i tij Alfred Lela.

Nga ana tjetër, janë krerët e partive të vogla, të cilët natyrisht do të shikojnë situatën nga larg për të parë se ku e sim und të kandidojnë në zgjedhjet parlamentare të 2025.

Po ku i çon kjo rrugë palët e opozitës? Më i përfituari është Sali Berisha, i cili përdor kundërshtarët e Lulzim Bashës si një PR për të pasur një diversifikim të aktivitetit të tij, por edhe i shërben si një lloj thyerje e izolimit të tij total ndërkombëtar.

Deputetët që sot u paraqitën në takim nga Berisha, janë ata që kanë marrëdhënie diplomatike me SHBA e BE, por edhe nuk mungojnë në takime, të rëndësishme në PPE si në nivelin parlamentar, ashtu dhe atë partiak.

Megjithatë, edhe pse Bardhi dhe të tjerët blenë kohë deri në janar, ata nuk kanë shumë zgjidhje. Ata o do bashkohen me foltoren, ose do të themelojnë një parti të re.

E dyta është një punë shumë e vështirë, për të mos thënë e pamundur. Kjo për arsye, se, edhe pse Gazmend Bardhi e deputetët e tjerë, në një kohë kanë qenë akuzuesit më të mëdhënj të Sali Berishës. Madje Gazmend Bardhi, ka qenë një nga ata që ka ngritur nivelin e akuzave, edhe më shumë se çdo depitet socialist. 

Në majin e vitit 2022, Bardhi shkruante në twitter: “Babi Zenit, njeriut të vetëm përgjegjës për 26 të vrarët në Gërdec, duhet të gjejë kohë për t’i shkuar për ngushëllim baxhanakut të tij. Koha kur çdo punë e emërom kalonte nga zyra e Zenit, ka mbaruar me vendim të DASH më 19 maj 2021. Sa më parë ta kuptosh aq më mirë për ty”.

Mirëpo, në politikë nuk është retorika që të jep frytet reale, por aksioni politik në terren. E aksionin politik, si Bardhi, ashtu edhe një pjesë e deputetëve në PD e kryen në zgjedhjet e 14 majit. Ku penguan PD-në që të dalë me kandidatë për kryetarë bashkie, e nga ana tjetër mbështetën publikisht kandidaturët e Sali Berishës dhe Ilir Metës.

Ideja ishte e qartë, nëse ata do të zgjidheshin, do ta kishin konsideruar këtë rezultat si fryt i aksionit të tyre për të “bashkuar” opozitën. E me kryetarët e rinj, kishte gjasa që të ndryshonin situatën aktuale në strukturat e PD-së, ku në të gjitha degët, shumica e deputetëve janë shpallur “Non Grata”.

Por rezultati ishte katastrofal, e me këtë aksion Gazmend Bardhi dhe të tjerët deputetë që i shkelën syrin foltores, nuk kanë shumë rrugëdalje.

E vetmja rrugë e asaj që tha Gjekmarkaj sot: “pa Berishën e pa Bashën”, është të formojnë një parti të re opozitare. Por sot, ata vërtetë ishin pa Bashën, por njerëzit e në radhë të parë demokratët, i panë me Sali Berishën…

VIDEO që tregon shoun e shëmtuar, të bashkimit të demokratëve

17:23 Politika 13 komente

FOTOT: Njeriu më i lumtur për takimin me Berishën (se lajmi i vetëm ishte mjekra e Dash Shehit)

17:15 Politika 14 komente

Mbledhja e thirrur nga Bardhi, Ngjela: Vajtime injorantësh, ku kanë gjë në dorë ata sot

16:55 Politika 4 komente

Bejko: Më jepni një provë që Basha është i shitur dhe jap dorëheqjen

16:10 Politika 8 komente

Ndryshimet në qeveri, Klosi: Vizioni ynë i 2030 kërkon forca e teknicienë të rinj

16:00 Politika 3 komente

Partitë Popullore Europiane kërkojnë lejimin e betimit të Fredi Belerit, reagon Rama

15:51 Politika 63 komente

"Nuk njoh si kryetar as Berishën dhe as Bashën", Gjekmarkaj flet pas mbledhjes: Shkova si deputet, jo si vartës i kryetarit

15:08 Politika 11 komente

“Udhë të mbarë në bunkerin anti-amerikan”, Bardhi - Bashës: Ktheju misionit si opozitar

14:45 Politika 2 komente

Mbledhja Berisha – Bardhi, Çupi: PD, si një frut i kalbur. Po ndodh procesi i “zhveshjes”

14:24 Politika 3 komente

Përfundon mbledhja, Berisha 'harron' akuzat e rënda ndaj Bardhit: T'i kallim datën Edi Ramës

14:15 Politika 7 komente