Te fundit
Rama: Mbyllim TikTok-un për 1 vit. Është rrugaçi i lagjes. Kemi frikë kur fëmija shoqërohet me të
21 Dhjetor 2024, 13:58Politika
TEMA
Kryeministri shqiptar Edi Rama ka prezantuar Planin e ri të Veprimit në shkolla, për të rritur sigurinë në institucionet arsimore. Rama deklaroi se nuk mund të shmanget çdo ngjarje në shkollë, por shtoi se është bërë gjithçka për të shtuar sigurinë në shkolla. Sipas tij, ministrja Ogerta Manastirliu ka bërë shumë duke qenë në krye të Ministrisë së Arsimit, duke e transformuar atë.
Kreu i qeverisë e cilësoi Tik Tokun si “rrugaçin e lagjes”, duke thënë se në të gjen vetëm llum dhe degjenerim. Ai u shpreh se rrjeti social do të mbyllet për një vit duke nisur nga fillimi i vitit 2025 dhe më pas do të shikohet sesi do veprohet.
Kryeministri Edi Rama: Nuk mund të shmanget çdo ngjarje në shkollë. Kemi pasur një diskutim për sigurinë në shkolla. Ministrja ka transformuar sistemin arsimor dhe ka gjithë mbështetjen time. Mësuesit ishin në gjendje tepër të keqe, të pambrojtur, duke u flakur në rrugë. Nëse shohim situatën e së kaluarës me të sotmen jemi si dita me natën, ndërsa sot jemi në të gdhirë të ditës së re.
Ky plan i sotëm bazohet në bindjen se mundësitë që kemi do i vëmë në zbatim për sigurinë e fëmijëve në shkolla. Sot kemi laboratorë smart për fëmijët. Brenda pak kohësh, të gjitha shkollat do kenë programe smart. Ky është një program që do të nisë të implementohet. Do mundësojmë që prindërit ta kenë në video fëmijën e vet dhe për çdo problem, drejtoria do kenë mundësi të ballafaqojë fëmijën e vet. Është shumë më i fortë, shumë më ndikues, shumë më tërheqës ai rrugaçi i lagjes që ëe ka në telefon që quhet TikTok. TikToku është rrugaçi i lagjes. Kemni frikë kur fëmija shoqërohet me të kur del nga shtëpia. Ne TikTokun do ta mbyllim për një 1 vit. Rrugaçë, perversitete, llum e qenëri nuk sheh në Tik Tikun e Kinës. Do kemi edhe programin e fermës, që fëmija të kuptojë që domatja nuk prodhohet në rrjete sociale, që marrëdhëniet mes njerëzve nuk janë ato që promovohen në Tik Tok.
Në Kinë TikTok promovon si të bëjnë nxënësit mirë mësimet, si të ruhet natyra, se si është tradita etj, etj. Rrugaçërira, perversitet, dhunë, bullizëm, thika, shpata, revole, euro, dollarë nuk sheh në TikTok-un e Kinës. Ndërsa në TikTok-un jashtë Kinës vetëm llum dhe qenëri. Për çfarë na duhet ne kjo? Dhe këtë e nxit algoritmi. Unë i qëndroj besnik vetes që kur prindërit e mi më thoshin se sa të mirë kishin qenë ata në kohën e tyre dhe sa problem ishin fëmijët në kohën time thosha betohu Edi Rama që kur të bëhesh si këta kurrë s’do thuash sa të mirë ishim ne dhe sa të këqij janë këta. Problem sot nuk janë fëmijët, por shoqëria jonë, TikTok-u dhe gjithë “tok-tokët e tjerë që na i marrin peng fëmijët, njësoj si rrugaçi i lagjes që është personazhi më tërheqës i fëmijërisë, të parin e klasës nuk e do njeri, por është ai rrugaçi i lagjes. Ky është TikTok-u dhe këtë rrugaç ne do ta përzëmë nga lagjja jonë për 1 vit, pastaj do të shohim çdo të bëjnë të tjerët.
6 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Mbylle per fushate se te ka degjenuar fare ky "rrugaci i lagjes". Nese don te fitosh perseri mbyll internetin deri me 12 Maj. Nuk Ka Hoxh dhe Prift qe te bene derman o ditezi
Sa per zgjedhje ene do ta hapim , perseri rrugacin e pagdhendur Tik -Tok… lol,Lol ==== ja di friken te vertetes, me shume se vota e diaspores…. Rame Ramiz Sorosi
E dallon rrugaçi rrugaçin... Nuk ta ka fajin Tik Toku. Dhe as Manastirja. Është shoqëria e pandëshkueshmërisë që ke krijuar mor arrogant. Riktheju kontrollit rrugor. Plehrave. Restoranteve. Bareve... Dhe shumë pisllëqe të tjera.
Se ca lidhje ka tik toku ky e di. E vrau thika ate djalin o robo. Jo telefoni.
Mbyllim edhe FB t ne qe eshte nje e keqe me e madhe
Rama duhet ti mbylli si ato lojrat e fatit e asnjeri nuk luan me bixhoz tani ne tere boten…. Cna ka gjet e cdo na gjej, populli vete e ka fajin dhe jo Rama/ Berisha… lol