Te fundit
Rithemelimi dhe PL sot sërish protestë para Bashkisë së Tiranës, policia thirrje organizatorëve: Distancohuni nga aktet e dhunës
28 Maj 2024, 09:04Politika
TEMA
Rithemelimi dhe Partia e Lirisë kanë thirrur protestën e radhës para Bashkisë së Tiranës. Leja për organizimin është marrë sërish nga "Aleanca për Mbrojtjen e Teatrit" dhe pritet të nisë rreth orës 10:00.
Policia e Shtetit njofton se prej orës 09:30 e në vijim, do të ketë bllokim të përkohshëm të qarkullimit të mjeteve, në bulevardin kryesor pranë Bashkisë së Tiranës. Për këtë arsye policia sugjeron që të përdoren rrugë alternative, deri në përfundim të tubimit, si Unaza e Mesme dhe Unaza e Madhe.
Po ashtu policia u bën thirrje organizatorëve dhe pjesëmarrësve në protestë që të distancohen nga çdo akt dhune, duke u kujtuar edhe rastet e hedhjes së molotovëve që kanë rrezikuar jetën e punonjësve të Policisë.
"Gjatë disa tubimeve të mëparshme, të zhvilluara nga Aleanca për Mbrojtjen e Teatrit, në sheshin para Bashkisë Tiranë, janë evidentuar raste të përsëritura të kundërshtimit të forcave të policisë, përdorimit dhe hedhjes së molotovëve e sendeve të tjera, në drejtim të Bashkisë Tiranë, duke rrezikuar seriozisht jetën dhe shëndetin e punonjësve të policisë dhe vetë pjesëmarrësve në tubime.
Drejtoria Vendore e Policisë Tiranë respekton plotësisht të drejtën e qytetarëve për të organizuar dhe marrë pjesë në tubime paqësore. Policia u përsërit thirrjen organizatorëve, drejtuesve dhe pjesëmarrësve në tubime për të respektuar ligjin dhe për t'u distancuar nga çdo akt dhune", njofton policia.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Plehra,kush kujtoni se jeni për të shkatërruar dhe dëmtuar pronën publike! Për ju dhe monstrat si ju, përfshirë dhe hajdutët e pushtetit duhet të paguajë ky popull! Kurrë,asnjëherë nuk keni për të ardhur në pushtet dhe kjo është fatkeqësi për këtë vënd i cili zgjedh gjithmonë të keqen më të vogël për qeverisje! U bëfshi m..t,vafshi në djall o zombi e shoqërisë! Me keqardhje,i lënduar ky popull nuk e meriton këtë që po ndodh me politikën në përgjithësi dhe shumë më tepër me mëtuesit e pushtetit,opozitës në veçanti!